Protestat dhe dhuna në Shqipëri dhe Francë, reagon shefi i Këshillit të Evropës

Sekretari i Përgjithshëm i Këshillit të Evropës, Alain Berset, ka reaguar përmes një postimi në X lidhur me valën e protestave që kanë përfshirë disa vende të Evropës.

Në reagimin e tij, Berset përmend edhe Shqipërinë, duke u ndalur te shkaqet e pakënaqësive shoqërore, por edhe te ngjarjet e dhunshme që kanë shoqëruar disa prej këtyre tubimeve.

“Nga Parisi në Milano, nga Brukseli në Tiranë, protestat në Evropë janë bërë virale. Pabarazi. Arsim. Strehim. Pa perspektiva. Një ndjenjë e të mos dëgjuarit”, shkruan ai.

“Dhe mes protestave paqësore, pati dhunë. Ndërtesa publike u sulmuan. Dyqane u plaçkitën. Njerëz të plagosur nga të gjitha anët. Së pari, u dhemb atyre që marshuan paqësisht. Mesazhi i tyre humbet. Zemërimi i tyre u përket atyre”, shtoi Berset.

“Nuk duhet të bëhet mjet politik i askujt. Kështu rrëshqet siguria demokratike. Pyetjet e tyre janë tashmë në zemër të Paktit të Ri Demokratik për Evropën”, përfundon postimi. /Telegrafi/