2 javë më parë
Avokati e Lindsay Clancy, gruas nga Massachusetts e akuzuar për vrasjen e tre fëmijëve të saj, kanë ndryshuar strategjinë e mbrojtjes dhe tani pretendojnë se nuk ka prova se ajo i ka vrarë fëmijët.
Clancy akuzohet për vrasjen e tre fëmijëve të saj në janar të vitit 2023.
Ajo nuk e kishte mohuar më parë se fëmijët kishin vdekur si pasojë e veprimeve të saj, ndërsa mbrojtja kishte argumentuar se ajo nuk mund të mbante përgjegjësi penale për shkak të gjendjes së rëndë psikike pas lindjes.
Gjykimi i parë përfundoi pa një vendim, pasi juria nuk arriti të merrte një vendim unanim, shkruan ap.
Sipas raportimeve të mëparshme, 11 nga 12 anëtarët e jurisë ishin të prirë të arrinin në përfundimin se Clancy nuk ishte penalisht përgjegjëse për shkak të gjendjes së saj psikike.
Clancy akuzohet se në shtëpinë e familjes në Duxbury vrau tre fëmijët e saj – Corën pesëvjeçare, Dawsonin trevjeçar dhe Callanin tetëmuajsh – ndërsa më pas u hodh nga dritarja e katit të dytë.
Mbrojtja kishte argumentuar se Clancy vuante nga psikozë pas lindjes dhe se kishte përjetuar halucinacione dhe iluzione. Prokuroria, ndërkaq, ka argumentuar se ajo i kishte planifikuar veprimet e saj dhe ishte e vetëdijshme për atë që po bënte.
Tani avokati i saj, Kevin Reddington, po kërkon gjithashtu që të hetohet njëri prej anëtarëve të jurisë së gjykimit të parë dhe ka kërkuar qasje në të dhënat e telefonit të tij gjatë periudhës së diskutimeve të jurisë. /Telegrafi/
