2 orë më parë
Dy persona janë gjobitur me nga 500 euro secili për djegien e dy hamulloreve sot në mëngjes në Ujmir dhe Shtaricë të Klinës.
Policia ka identifikuar në të dyja rastet personat përgjegjës për ndezjen e zjarreve, ndërsa zjarrfikësit kanë ndërmarrë veprimet e nevojshme për lokalizimin e tyre.
Me këtë rast, Drejtoria Rajonale e Policisë në Pejë apelon te të gjithë qytetarët që të përmbahen nga djegia e hamulloreve dhe ndezja e zjarreve në hapësira të hapura, pasi veprime të tilla janë të ndaluara dhe ndëshkohen sipas legjislacionit në fuqi.
“Ne do të vazhdojmë të ndërmarrim veprimet e nevojshme për identifikimin dhe trajtimin e rasteve të tilla, me qëllim të parandalimit të zjarreve dhe rritjes së sigurisë së qytetarëve”.
