5 orë më parë
Policia e Kosovës ka ndaluar një veturë në fshatin Novosellë të Kamenicës, në të cilën janë gjetur 160 kilogramë mish pa dokumente përcjellëse.
Sipas raportit policor, rasti ka ndodhur dje rreth orës 13:15. Vetura me targa vendore drejtohej nga një burrë kosovar.
Gjatë kontrollit, zyrtarët policorë kanë konstatuar se mishi po transportohej pa dokumentacionin përkatës.
“Fsh. Novosellë, Kamenicë 17.10.2026 – 13:15. Raportohet se është ndaluar vetura me targa lokale që drejtohej nga i dyshuari mashkull kosovar dhe gjatë kontrollit është vërejtur se transportonte 160 kg mish pa dokumente përcjellëse”, thuhet në raportin e policisë.
Malli është konfiskuar dhe i dorëzohet Agjencisë së Ushqimit dhe Veterinarisë për procedura të mëtejme. Rasti është raportuar si “Transport ilegal i mallit”.
