1 orë më parë
Siç raporton “Vanity Fair” nga Holanda, në një artikull të gazetarit Matthew Cole, telefoni i hakeruar i Jared Kushner, dhëndërit dhe njeriut të afërm të presidentit amerikan Trump, zbuloi negociatat e tij sekrete duke përfshirë mbi 700 milionë dollarë transferime bankare.
Sipas burimeve në media të ndryshme, Kushner thotë për veten se bërjen e marrëveshjeve (“deal making”) e ka ngritur në nivel të artit. Por, Kushner, përkatësisht bizneset e tij, kanë qenë temë edhe e një seriali të shfaqur në NetFlix – Dirty Money (Para të Pista), përkatësisht në episodin: “Slumlord Millionaire” (Milioneri i Lagjeve të Mjerimit).
Një ekstrakt ekskluziv nga libri “Princes and Thieves” hulumton llogaritë bankare që lidhin dhëndrin e Presidentit dhe ish-këshilltarin e tij të lartë Jared Kushner me Izraelin, Emiratet e Bashkuara Arabe dhe Arabinë Saudite. Libri “Princes and Thieves: Jared Kushner and Mohamed bin Zayed’s Secret Plot to Remake the Middle East” është një libër hulumtues i zhanrit “non-fiction”, i shkruar nga gazetari Matthew Cole. Përkthimi i lirë i titullit të këtij libri në shqip mund të jetë: “Princër dhe hajna: Komploti i fshehtë i Jared Kushner-it dhe Mohamed bin Zayed-it për të ribërë politikat në Lindjen e Mesme”
Zbulimet nga telefoni i hakuar
Në Hagë, ekipi hakerues i MIVD (Shërbimit të Inteligjencës Holandeze) provonte të kuptonte si hakerat rusë kishin hyrë në iPhone-in e Kushner-it. Kushner kishte atë kohë modelin më të fundit, iPhone X, i lëshuar në treg në nëntor 2017 me “Face ID”, një opsion i avancuar sigurie të sofistikuar nga Apple, shkruan “Vanity Fair” holandez në artikullin e 22 tetorit 2026.
Ekipi holandez ishte duke provuar ta hapte telefonin, por u kuptua se rusët mund të gjenin dritaren e papritur për të hyrë. Hipoteza u konfirmua. Në fillim të vitit 2018, MIVD gjeti një mundësi në iPhone që ua dha aksesin.
Zbulimet Sekrete
Në pranverën e vitit 2020, një burim i besueshëm kontakton me një histori të çuditshme: Shërbimet e qeverisë holandeze kishin hakeruar telefonin e Jared Kushner-it dhe e kishin monitoruar, ndërsa ai kishte hyrë në një llogari bankare me seli në Dubai. Çudia ishte se paratë në llogari mijëra miliona dollarë, vinin nga një bankë në Azerbajxhan, një ish-repulikë sovjetike.
Për më tepër, Kushner duket të ketë transferuar sasi të mëdha parash nga llogaria e Dubait tek individë të tjerë, duke përfshirë një luftëtar, një mercenar dhe një ish-vrasës me pagesë.
Tri llogari bankare sekrete
Si pjesë e marrëveshjeve financiare sekrete të Kushnerit me MBZ (Mbretin Mohamed bin Zayed të UAE-së), ai ndihmoi në negocimin e një llogarie të tretë. Kurse në kuadër të marrëveshjeve të negociatave sekrete diplomatike ndërmjet Izraelit dhe UAE, Kushner ndihmoi në marrëveshjen e mbrojtjes së UAE nga sulmi ushtarak iranian. Qeveria UAE transferoi fshehurazi mjete te Banka Qendrore e Izraelit si fond i emergjencës.
Së bashku, tri llogaritë përfaqësonin një politikë të huaj sekrete të negociuar nga Kushner me liderët e Izraelit, UAE-së dhe Arabisë Saudite.
Siç shkruan “Vanity Fain”, ky artikull është pjesë e një hulumtimi më të gjerë mbi rrjetin financiar të dyshimtë të familjes Kushner dhe lidhjet e tyre me udhëheqësit e Gjirit Perandorak në periudhën kur Donald Trump ishte President.
