Zyrtarët e OBSH-së paralajmëruan për vdekje nga hantavirusi në tetë vende vitin e kaluar

Ndërsa shpërthimi i fundit i hantavirusit në anijen MV Hondius ka befasuar shumë njerëz, një raport i fundit i Organizatës Botërore të Shëndetësisë sugjeron se sëmundja ka qenë më e përhapur sesa mund të mendohet edhe vitin e kaluar.

Në një raport të publikuar në dhjetor të vitit të kaluar, dega e OBSH-së për Amerikën ka bërë të ditur se janë regjistruar 229 raste të konfirmuara dhe 59 vdekje të lidhura me hantavirusin në tetë vende gjatë vitit 2025, raporton skynews, transmeton Sinjali.

Ja lista e vendeve të prekura:

Brazili

Bolivia

Kili

Panamaja

Paraguaji

SHBA

Uruguai

Argjentina vazhdon të jetë vendi që raporton numrin më të lartë të rasteve, me 66 raste të konfirmuara vitin e kaluar, thuhet në raport.

Në këtë vend janë raportuar gjithsej 21 vdekje, duke dhënë një shkallë vdekshmërie prej 32% nga virusi.

Kjo shifër është më shumë se dyfish e mesatares së katër viteve të mëparshme, e cila ishte 15.4%, sipas raportit.

Ndërsa në Brazil janë regjistruar vetëm 20 raste të konfirmuara gjatë së njëjtës periudhë, shkalla e vdekshmërisë ka qenë 55% (11 vdekje).

Edhe në SHBA janë regjistruar shtatë raste të konfirmuara dhe dy vdekje në pesë shtete të ndryshme gjatë vitit të kaluar.

Sinjali – aty ku e vërteta flet para lajmit!

/GazetaSinjali/