Zidane tregon arsyen pse la jashtë Benzeman nga Kombëtarja e Francës

Zinedine Zidane ka publikuar listën e tij të parë si përzgjedhës i Kombëtares së Francës, ndërsa në skuadër ka përfshirë edhe disa emra të rinj.

Një nga vendimet që ka tërhequr vëmendje është mungesa e Karim Benzemas, për të cilin kishte pritshmëri nga disa tifozë se mund të rikthehej në kombëtare nën drejtimin e ish-trajnerit të tij te Real Madridi.

Megjithatë, Zidane e ka përjashtuar mundësinë e rikthimit të sulmuesit veteran, duke shpjeguar me humor arsyet e vendimit.

“Është mirë, sepse kjo i bën njerëzit të flasin për Karim, me të cilin kam kaluar shumë vite në Madrid (qesh). E dua”, ka thënë Zidane.

Ai më pas ka theksuar se Benzema tashmë i ka kaluar vitet kur mund të jetë pjesë e planeve të tij për kombëtaren.

“Ai ka luajtur për Kombëtaren e Francës dhe tashmë po i kalon vitet. Njësoj si N’Golo Kante. Sot, duhet të shoh lojtarët më të rinj, por kjo nuk ia zbeh aspak karrierën e tij me Kombëtaren e Francës dhe në nivel klubesh”, ka deklaruar ai.

Zidane ka bërë të qartë se prioriteti i tij në këtë fazë është vlerësimi dhe promovimi i lojtarëve të rinj, në vend të rikthimit të futbollistëve veteranë.

Pavarësisht vendimit për ta lënë jashtë Benzeman, Zidane ka vlerësuar karrierën e tij, si me Kombëtaren e Francës, ashtu edhe në nivel klubesh.

Sinjali – aty ku e vërteta flet para lajmit!

/GazetaSinjali/