13 orë më parë
Qendra Klinike Universitare e Kosovës (QKUK) ka bërë të ditur gjendjen e të plagosurit në rastin e rëndë që ndodhi mbrëmë në Mitrovicë të Jugut, ku një person humbi jetën si pasojë e plagëve të marra me thikë, ndërsa një tjetër u lëndua.
Sipas konfirmimit nga drejtori i Klinikës Emergjente, Naser Syla, i plagosuri pas trajtimit mjekësor është liruar për në shtëpi, pasi gjendja e tij është stabilizuar.
Siç ka raportuar ekskluzivisht Sinjali, Erduan Ibrahimi është personi që ka humbur jetën tragjikisht, ndërsa i plagosur ka mbetur edhe Shaban Ibrahimi, i cili fillimisht ishte trajtuar në QKUK në Prishtinë.
I dyshuari për rastin është Arben Spasolli.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
