4 muaj më parë
Ylli i Real Madridit dhe përfaqësueses së Brazilit, Vinicius Junior, ka folur për favoritët e mundshëm të Kupës së Botës, duke veçuar Argjentinën si një nga pretendentet kryesore për trofeun.
Sipas tij, fakti që Lionel Messi vazhdon të jetë pjesë e ekipit e bën Argjentinën edhe më të rrezikshme, pavarësisht rivalitetit të madh mes dy kombëtareve të Amerikës së Jugut.
“Do ta vendosja edhe Argjentinën midis favoritëve për Kupën e Botës sepse janë kampionët aktualë, kanë besim të madh dhe kanë Messin”, ka deklaruar Vinicius.
Braziliani theksoi se Messi mbetet një lojtar që mund ta vendosë fatin e ndeshjes në çdo moment, duke e bërë të vështirë për çdo kundërshtar përgatitjen ndaj tij.
Sipas Viniciusit, edhe në moshën 38-vjeçare, kapiteni i Argjentinës vazhdon të jetë një nga lojtarët më vendimtarë në futbollin botëror dhe një faktor kyç në garën për titull.
Sinjali – aty ku e vërteta flet para lajmit!
