Vetëvendosje kërkon donacione për mbështetje të aktiviteteve zgjedhore

Lëvizja Vetëvendosje ka publikuar një njoftim duke u bërë thirrje mbështetësve, miqve dhe aktivistëve që të kontribuojnë financiarisht për mbështetjen e aktiviteteve të saj.

Sipas njoftimit, donacionet do të shërbejnë për mbështetjen e aktiviteteve të vullnetarëve, organizimin e tubimeve si dhe mbrojtjen e votës gjatë procesit zgjedhor.

Nga kjo parti është theksuar se çdo kontribut, pavarësisht shumës, ndihmon në realizimin e aktiviteteve në terren.

LVV gjithashtu ka bërë të ditur se qytetarët mund të informohen për rregullat e dhurimit në faqen zyrtare të partisë, ndërsa kontributet mund të bëhen lehtësisht përmes kartelave bankare ose bankës.

“Faleminderit për mbështetjen, besimin dhe angazhimin tuaj të vazhdueshëm”, thuhet në njoftimin e partisë.

Për më shumë detaje dhe për të kontribuar, qytetarët mund të vizitojnë faqen zyrtare të donacioneve: Faqa e donacioneve të LVV-së

Njoftimini plotë:

Të dashur mbështetës, miq e aktivistë,

Lëvizja, si çdo herë, ka nevojë për ndihmën tuaj. Për të mbështetur aktivitetet e vullnetarëve, organizimin e tubimeve dhe mbrojtjen e votës, secili donacion sado i vogël ndihmon jashtëzakonisht shumë.

Rregullat e dhurimit mund t’i lexoni në faqen tonë zyrtare. Ndërsa, brenda pak minutash, mund të kontribuoni lehtësisht me kartelë bankare ose përmes bankës.

Faleminderit për mbështetjen, besimin dhe angazhimin tuaj të vazhdueshëm!

Vizito faqen tonë: https://www.vetevendosje.org/nf