1 orë më parë
Policia e Kosovës ka njoftuar për një rast të mashtrimit në Fushë Kosovë, ku një person është paraqitur si toger i policisë dhe ia kërkuar një gruaje një shumë prej 450 euro për të blerë pelet.
Rasti ka ndodhur në rrugën “Dardania” në Fushë Kosovë, të enjten, në ora 15:55.
“Më 16.10.2026 viktima femër kosovare, ka raportuar se, i dyshuari mashkull kosovar, përmes telefonit duke u prezantuar si zyrtar-toger i policisë ka kërkuar nga viktima që t’i jap një personi tjetër një shumë parash prej 450€ sipas tij për blerje të peletit. Viktima duke rënë në lajthitje i ka dhënë këtë shumë parsh të dyshuarit, i cili pastaj ishte larguar në drejtim të panjohur me veturën të cilën e kishte marrë me qira ditë më parë në Gjilan nga ankuesi mashkull kosovar dhe nuk ia kishte kthyer veturën ankuesit”, thuhet në raport.
Njësitet policore e kanë identifikuar, ndaluar dhe arrestuar të dyshuarin bashkë me veturën të cilën ishte duke e keqpërdorur.
Me vendim të prokurorit, i dyshuari është dërguar në mbajtje. /Telegrafi/
