Tre persona hyjnë me armë në shtëpinë e një gruaje në Viti, e sulmojnë dhe i kërkojnë para

Tre persona të panjohur kanë hyrë brenda shtëpisë së një gruaje dhe nën kërcënimin e armëve kanë kërkuar para nga ajo si dhe të njëjtën dyshohet se e kishin rrahur.

Sipas raportit 24 orësh të Policisë së Kosovës bëhet e ditur se ngjarja ka ndodhur më 13.09.2026 rreth orës 22:00, në Viti.

Tutje thuhet se personat e panjohur janë larguar dhe rasti është duke u hetuar.

“Viti / 13.09.2026 – 22:00. Është raportuar se tre persona të panjohur kanë hyrë brenda shtëpisë së viktimës femër kosovare dhe nën kërcënimin e armëve kanë kërkuar para nga ajo si dhe të njëjtën dyshohet se e kishin sulmuar fizikisht dhe janë larguar në drejtim të panjohur. Rasti është duke u hetuar”, thuhet në raport. /Telegrafi/