1 ditë më parë
Trajneri i Arsenalit, Mikel Arteta, është shprehur optimist se skuadra e tij ka besim të plotë për të fituar për herë të parë në histori trofeun e Ligës së Kampionëve, në finalen ndaj Paris Saint-Germain që zhvillohet këtë fundjavë.
Sipas trajnerit spanjoll, atmosfera brenda klubit është shumë pozitive dhe lojtarët po e presin me vetëbesim ndeshjen më të rëndësishme të sezonit.
“Mund ta ndjesh energjinë, mund ta ndjesh pozitivitetin dhe besimin te lojtarët dhe te të gjithë në klub”, deklaroi Arteta.
Ai shtoi se skuadra ka një mundësi të madhe për të shkruar histori dhe është e bindur se mund ta arrijë suksesin në Evropë. “Do të udhëtojmë drejt Budapestit të enjten, plotësisht të bindur se pas disa ditësh mund të jemi kampionë të Evropës,” u shpreh ai.
Arsenali vjen në këtë finale pas një sezoni të suksesshëm, ku ka fituar edhe titullin e parë në Ligën Premier pas 22 vitesh.
Kjo është finalja e dytë në historinë e klubit në Ligën e Kampionëve, 20 vite pas humbjes së tyre ndaj Barcelonës në ndeshjen vendimtare.
Sinjali – aty ku e vërteta flet para lajmit!
