2 javë më parë
Tifozët kosovarë kanë shprehur interesim të madh për ndeshjen mes Kosovës dhe Austrisë, me pothuajse të gjitha biletat që tashmë janë shitur.
Biletat, të cilat dolën në shitje para disa ditësh, janë shitur në të gjitha pjesët e tribunave, përveç sektorëve VIP1 dhe VIP2.
“Dardanët” po synojnë promovimin në Ligën A dhe mbështetja e tifozëve pritet të jetë e madhe në këtë përballje.
Kosova ka edhe tri ndeshje të mbetura, ndërsa njërën prej tyre do ta zhvillojë në stadiumin “Fadil Vokrri”.
Shitja e shpejtë e biletave tregon interesimin e madh të tifozëve për ta mbështetur përfaqësuesen, pavarësisht ankesave të mëhershme për rritjen e çmimeve të biletave.
Sfida e nesërme do të zhvillohet nga ora 18:00.
Sinjali – aty ku e vërteta flet para lajmit!
