2 javë më parë
Shëndetësi
Sinjali.com
13 Maj 2026 18:11
Kosova ka shënuar një tjetër zhvillim të rëndësishëm në fushën e shëndetësisë dhe shkencës, me themelimin e Shoqatës Kosovare për Obezitet (SHKO), ku kryetare është zgjedhur Prof. Dr. Venera Berisha Muharremi.
Lajmi është bërë i ditur gjatë pjesëmarrjes në ECO2026 – Kongresin e 33-të të European Association for the Study of Obesity, një nga ngjarjet më të mëdha evropiane kushtuar obezitetit, që po mbahet në Stamboll.
Përmes një postimi publik, Prof. Dr. Venera Berisha Muharremi bëri të ditur se ka njoftuar zyrtarisht kryetarin e kësaj organizate evropiane, Prof. Volkan Yumuk, për themelimin e SHKO-së, ku ajo do të ushtrojë detyrën e kryetares.
Sipas saj, shumë shpejt Kosova pritet të bëhet pjesë zyrtare e kësaj familjeje të madhe evropiane, me synim avancimin shkencor dhe profesional në fushën e obezitetit, përmirësimin e shëndetit publik dhe rrjetëzimin e mjekëve kosovarë me ekspertët më të njohur evropianë në këtë fushë.
“Kjo është një arritje e madhe për shëndetësinë dhe shkencën tonë”, thuhet ndër të tjera në njoftim.
Sinjali – aty ku e vërteta flet para lajmit!
