Superliga e Kosovës në basketboll, ja orari i xhiros së dytë

Superliga e Kosovës në basketboll rikthehet këtë fundjavë me ndeshjet e xhiros së dytë, e cila sjell disa përballje interesante.

Xhiroja hapet të shtunën në Rahovec, ku Rahoveci 029 do të presë Bashkimin nga ora 17:00. Pas humbjes ndaj Trepçës në javën e parë, rahovecasit do të kërkojnë fitoren e parë të sezonit, ndërsa Bashkimi vjen pas triumfit bindës ndaj Golden Eagle Yllit.

Në mbrëmje, nga ora 19:00, Trepça do të përballet me Pejën në “Minatori”. Për kampionët kjo do të jetë ndeshja e parë para tifozëve të tyre këtë sezon, ndërsa Peja do ta zhvillojë për herë të parë një ndeshje në këtë edicion, pasi përballja e javës së parë ndaj Sigal Prishtinës nuk u zhvillua.

Të dielën, në ora 17:00, Vëllaznimi do të presë Sigal Prishtinën në palestrën “Shani Nushi” në Gjakovë. Vëllaznimi do të synojë reagimin pas humbjes ndaj Borës, ndërsa për Prishtinën kjo do të jetë paraqitja e parë në këtë sezon.

Xhiroja e dytë mbyllet me ndeshjen Golden Eagle Ylli – Bora, e cila zhvillohet të dielën nga ora 19:00 në palestrën “13 Qershori”.

Orari i xhiros së dytë:

E shtunë
17:00 | Rahoveci 029 – Bashkimi
19:00 | Trepça – Peja

E diel
17:00 | Vëllaznimi – Sigal Prishtina
19:00 | Golden Eagle Ylli – Bora

Sinjali – aty ku e vërteta flet para lajmit!

/GazetaSinjali/