2 javë më parë
Një grua është arrestuar në Leposaviq nën dyshimin për veprën penale “vrasje në tentativë”, pasi dyshohet se ka sulmuar me mjet të mprehtë një burrë.
Rasti ka ndodhur më 1 tetor 2026, rreth orës 12:20, ndërsa Policia e Kosovës e ka përfshirë atë në raportin e saj 24-orësh.
“Është arrestuar e dyshuara femër kosovare pasi që e njëjta dyshohet se ka sulmuar me mjet të mprehtë viktimën mashkull kosovar”, thuhet në raportin e Policisë.
Si pasojë e sulmit, viktima është dërguar për trajtim mjekësor.
Ndërkohë, sipas Policisë, e dyshuara ka shfaqur sjellje të dhunshme edhe gjatë shoqërimit nga zyrtarët policorë, duke sulmuar një zyrtare policore.
“Viktima është dërguar për tretman mjekësor, ndërsa e dyshuara edhe gjatë shoqërimit ka sulmuar zyrtaren policore”, thuhet në raport.
Pas veprimeve të ndërmarra, rasti është proceduar për veprën penale “vrasje në tentativë”, ndërsa me vendim të prokurorit e dyshuara është dërguar në mbajtje.
Policia nuk ka dhënë detaje të tjera për rrethanat në të cilat ka ndodhur sulmi apo për gjendjen shëndetësore të viktimës. /Telegrafi/
