Strickland mposht Khamzat Chimaev dhe i rrëmben titullin

Në një përballje të madhe në UFC 328, Sean Strickland ka realizuar një nga befasitë më të mëdha të viteve të fundit, duke mposhtur me vendim të ndarë Khamzat Chimaev dhe duke i shkaktuar humbjen e parë në karrierën e tij profesionale.

Dueli i zhvilluar në “Prudential Center” u zhvillua në pesë raunde intensive, ku Chimaev nisi fuqishëm me dominim në tokë që në raundin e parë. Megjithatë, Strickland arriti të rikthehej gradualisht në ndeshje, duke neutralizuar përpjekjet për rrëzime dhe duke fituar terren në shkëmbimet në këmbë.

Nga raundi i tretë, Strickland rriti presionin me boks dhe kontroll të distancës, duke detyruar kundërshtarin të tërhiqej në disa momente, pavarësisht se Chimaev vazhdoi të kishte avantazh në mundje.

Raundi i pestë rezultoi vendimtar, ku Strickland menaxhoi më mirë ritmin dhe distancën, duke bindur dy nga tre gjyqtarët për t’i dhënë fitoren.

Me këtë triumf, Strickland rikthehet në majë të peshës së mesme dhe shkakton një prej surprizave më të mëdha në historinë e fundit të UFC-së.

The moment @SStricklandMMA regained the UFC middleweight title at #UFC328! 🏆 pic.twitter.com/flst5hrnU6

Sinjali – aty ku e vërteta flet para lajmit!

/GazetaSinjali/