AlbRadar

Brikena dhe Mateo i japin fund lidhjes së tyre? Detaji që ‘shokoi’ të gjithë

Thu, 28 May 2026 22:50:04 +0200

Një nga çiftet më të ndjekura po kalon një krizë në lidhje. Është fjala për Brikena Selmanin dhe Mateo Borrin.

Pas historisë romantike në “Big Brother VIP 5”, dy ish-banorët kanë ngritur dyshime të forta për një ndarje të mundshme.

Aludimet kanë nisur pas lëvizjeve të fundit që ata kanë bërë në rrjetet sociale.

Dyshja kanë fshirë të gjitha fotografitë dhe postimet e përbashkëta nga profilet e tyre, një veprim që zakonisht nuk kalon pa u vënë re nga fansat.

Menjëherë pas kësaj, Brikena publikoi në “Instastory” një foto me atmosferë melankolike gjatë një udhëtimi me makinë, të shoqëruar vetëm me një emoji zemre të thyer, duke lënë të kuptohet se po kalon një periudhë të vështirë emocionale.

Sulm me dron ndaj anijeve cisternë ruse në brigjet turke

Thu, 28 May 2026 22:45:08 +0200

Pranë bregdetit verior të Turqisë në Detin e Zi, tre anije cisternë janë sulmuar me dronë, sipas agjencisë turke të transportit detar “Tribeca”.

Të gjithë anëtarët e ekuipazhit raportohet se janë në gjendje të mirë dhe autoritetet kanë dërguar anije të sigurisë në vendngjarje.

Anija cisternë “James II”, “Altura” dhe “Velora” ndodheshin në zona të afërta kur u goditën gjatë operacioneve detare. Incidenti ka ndodhur rreth 80 kilometra në veri të zonës Turkelijë në Detin e Zi.

Sipas të dhënave fillestare, ende nuk është konfirmuar se kush qëndron pas sulmit. Të dyja palët, si Rusia ashtu edhe Ukraina, nuk kanë marrë përgjegjësinë për incidentin.

Sulme të tilla ndaj anijeve tregtare janë bërë të shpeshta që nga fillimi i luftës Rusi–Ukrainë, ndërsa situata në Detin e Zi mbetet e tensionuar.

Turqia, si anëtare e NATO-s, po përpiqet të ruajë marrëdhënie si me Kievin ashtu edhe me Moskën, duke bërë thirrje për siguri më të madhe në lundrimin detar në rajon. /Telegrafi/

Xhavit Haliti: Nga vendi i fitoreve, Ferizaj, e nisëm rrugëtimin e fitores së PDK-së

Thu, 28 May 2026 22:45:07 +0200

Kandidati për deputet të Kuvendit të Kosovës, me numër 14, Xhavit Haliti është shprehur optimist për fitoren e PDK-së, me rastin e hapjes së fushatës zgjedhore në Ferizaj.

"Nga vendi i fitoreve, Ferizaj, e nisëm rrugëtimin e fitores së PDK-së", ka shkruar Haliti në llogarinë e tij në Facebook.

Zgjedhjet e parakohshme për Kuvendin e Kosovës mbahen më 7 qershor.

Pamje skandaloze me mbeturina në lagjen e Muhaxherëve

Thu, 28 May 2026 22:35:06 +0200

Kompania Regjionale e Mbeturinave “Pastrimi” Sh.A ka publikuar pamje që i ka cilësuar si skandaloze nga rruga “Demir Vitia” në lagjen e Muhaxherëve, ku është hedhur një sasi e madhe mbeturinash në hapësirë publike.

Sipas njoftimit, ekipet e kompanisë kanë nisur menjëherë largimin e mbeturinave, duke theksuar se sasia ka qenë aq e madhe sa janë detyruar t’i zbrazin disa herë mjetet për t’i rimbushur sërish me bërllok.

Nga “Pastrimi” bëjnë të ditur se kjo nuk është hera e parë që pastrohet kjo pjesë dhe u bëjnë thirrje qytetarëve që të mos hedhin mbeturina në hapësira publike.

“Qytetarë, ju lusim, mos hidhni mbeturina në hapësira publike”, thuhet në apelin e kompanisë.

Kurti premton 1 miliard euro investime në ushtri dhe transformim ekonomik e industrial

Thu, 28 May 2026 22:30:09 +0200

Lëvizja Vetëvendosje e ka hapur zyrtarisht fushatën zgjedhore për zgjedhjet e parakohshme për Kuvendin e Kosovës, të cilat do të mbahen më 07.06.2026.

Në një tubim në Ferizaj, kandidati për kryeministër nga kjo parti, Albin Kurti, premtoi transformim ekonomik e industrial në Kosovë.

Kurti tha se do të ndajnë 1 miliard euro për prodhimtari e 1 miliard euro për ushtrinë e Kosovës.

“Në mandatin e ri kërkojmë votën tuaj për të nisur transformimin më të madh ekonomik e industrial që është bërë ndonjëherë në vendin tonë. Investime strategjike në Trepçë, katër hekurudha të reja, 20 stadiume që ndërtohen apo rinovohen, pesë dega të reja, çdo vit së paku një miliard shpenzime kapitale dhe në katërvjeçarin e ardhshëm do të kemi 1 miliard euro për ushtrinë dhe 1 miliard euro për prodhimtari”- tha Kurti.

Kandidati për kryeministër i LVV-së tha se do të nisin themelimin e një kompanie ajrore si dhe do të integrojnë trafikun urban e ndërurban me një biletë të vetme 10-euroshe.

“Do të nisim themelimin e një kompanie ajrore me kapital publik në partneritet me aktere të industrisë së aviacionit jashtë dhe brenda vendit. Do të integrojmë trafikun urban dhe ndërurban, të gjithë muajin veç një biletë që do të kushtojë 10 euro. Do të kemi një program të dedikuar gjyshërve që kujdesën për nipërit dhe mbesat e tyre të moshës nga 13 deri në 33 muaj. 100 euro për gjyshin dhe gjyshen që kujdesën për nipërit dhe mbesat. Mandatin e ardhshëm do të dyfishohen shtesat për fëmijë, aq më shumë fëmijë aq më shumë shteti do të ju mbështesë”- tha Kurti.

Më 28.05.2026 nisi zyrtarisht fushata zgjedhore për zgjedhjet e parakohshme parlamentare që do të mbahen më 07.06.2026.

Fushata zgjedhore për zgjedhjet parlamentare do të zgjasë deri në heshtjen zgjedhore, para ditës së votimit më 07.06.2026.

Për më pak se gjashtë muaj, vendi po organizon dy palë zgjedhje të parakohshme dhe tri palë zgjedhje që nga shkurti i vitit 2025.

Ish-spiuni izraelit, Pollard: Izraeli do ta zhvillojë luftën e ardhshme kundër Turqisë dhe Egjiptit

Thu, 28 May 2026 22:00:06 +0200

Jonathan Pollard, shtetas i Shteteve të Bashkuara të Amerikës i cili ka punuar si spiun për Izraelin, në një podcast për Arutz Sheva të Izraelit ka folur për të ardhmen e marrëdhënieve në Lindjen e Mesme, duke paraqitur edhe qëndrimin e tij për konfliktet e mundshme në këtë rajon.

Duke folur për çështjen e Lartësive të Golanit, të cilat aktualisht janë të pushtuara nga Izraeli, Pollard tha se nëse Siria do të tentonte të rimerrte territorin e saj, në kufijtë e Izraelit do të arrinte Turqia, raportojnë mediat.

“Nuk jam i sigurt se do të kemi punë kaq të lehtë me turqit siç kishim me Iranin. Po e ndjek doktrinën ushtarake turke dhe situatën në Lindjen e Mesme. Po vjen një stuhi”, tha spiuni.

Më pas ai theksoi se një problem i veçantë është fakti që Turqia është anëtare e NATO-s dhe se Izraeli duhet “urgjentisht të zgjidhë Iranin dhe Hezbollahun”.

- YouTube www.youtube.com

“Pse jam i fiksuar me këtë tani? Sepse duhet të përgatitemi për luftën e ardhshme, e cila me shumë gjasë do të jetë kundër Turqisë dhe Egjiptit. Shpresoj që të mos ndodhë, por duhet të kujtoni se kjo ishte demoni i fundit nga kutia e Pandorës, dhe ka një arsye për këtë”, tha ai në podcast.

Pollard u dënua me burgim të përjetshëm në vitin 1987 për vjedhjen e të dhënave të inteligjencës amerikane dhe dorëzimin e tyre Izraelit. Megjithatë, pas dekadash presioni të fortë nga Izraeli dhe grupet pro-izraelite në SHBA, ai u lirua nga burgu në vitin 2015.

Që nga viti 2020 ai jeton në Izrael, ku mbërriti me një avion privat në pronësi të familjes Adelson, një donatore e rëndësishme e fushatave të presidentit amerikan, Donald Trump. Në Tel Aviv u prit nga kryeministri izraelit, Benjamin Netanyahu.

Vitin e kaluar ndodhi një skandal kur ambasadori i SHBA-së në Izrael, Mike Huckabee e priti Pollardin në ambientet e ambasadës, pavarësisht se bëhej fjalë për një person të dënuar për shitje të të dhënave amerikane.

Pollard është kandiduar edhe në zgjedhjet e ardhshme parlamentare në Izrael, ndërsa platforma e tij politike është e përqendruar në idenë e zhvendosjes së palestinezëve nga Gaza në Irlandë. /Telegrafi/

Amir Rrahmani, nën urdhrat e Allegrit te Napoli

Thu, 28 May 2026 21:30:13 +0200

Mbrojtësi i Kosovës, Amir Rrahmani, edicionin e ardhshëm do të punojë nën urdhrat e Massimiliano Allegrit.

Allegri që u shkarkua nga AC Milani pasi dështuan të kualifikohen në Ligën e Kampionëve në xhiron finale të sezonit ka gjetur menjëherë klub të ri, për të mbyllur marrëveshjen me Napolin.

Në bazë të raportimeve të gazetarit Fabrizio Romano, Allegri ka pranuar të gjitha kushtet e Napolit dhe do të nënshkruajë kontratën së shpejti.

“E kryer, Massimiliano Allegri është trajneri i ri i Napolit. Ish-trajneri i AC Milanit ka pranuar të gjitha kushtet e ofruara nga Napoli dhe do të nënshkruajë së shpejti”, raporton ai.

Ndërkohë, Antonio Conte u largua nga Napoli në fundin e sezonit kurse në bazë të raportimeve po e pret thirrjen e Federatës Italiane për t’u bërë përzgjedhësi i ri i Italisë.

Mediat shtetërore iraniane: S'ka marrëveshje SHBA-Iran

Thu, 28 May 2026 21:20:06 +0200

Asnjë marrëveshje përfundimtare nuk është arritur mes Shteteve të Bashkuara dhe Iranit, kanë raportuar mediat shtetërore iraniane, duke kundërshtuar pretendimet e disa agjencive ndërkombëtare për një marrëveshje të afërt.

Në një zhvillim paralel me një konferencë për shtyp të Scott Bessent, mediat shtetërore të Teheranit kanë hedhur poshtë lajmet se një marrëveshje mes dy vendeve është finalizuar apo është në pritje të miratimit politik në nivelet më të larta.

Më herët, agjencitë ndërkombëtare si Axios, Reuters dhe Associated Press kishin raportuar, duke u bazuar në burime zyrtare, se një marrëveshje e mundshme ndodhej tashmë në tryezën e presidentit amerikan, Donald Trump për miratim përfundimtar. Sipas këtyre raportimeve, marrëveshja parashihte edhe rihapjen e Ngushticës së Hormuzit, një nga rrugët më strategjike detare në botë për transportin e naftës, shkruan skynews.

Megjithatë, agjencia iraniane e lajmeve Tasnim ka deklaruar se një tekst përfundimtar i një memorandumi mirëkuptimi ende nuk është konfirmuar. Duke cituar një burim të afërt me ekipin negociues iranian, Tasnim thekson se procesi është ende në fazë diskutimesh dhe nuk ka arritur në një dokument të finalizuar.

Sipas të njëjtit burim, autoritetet në Teheran nuk e kanë informuar ende ndërmjetësuesin pakistanez se teksti i marrëveshjes është përfunduar. Gjithashtu, është bërë e ditur se pala iraniane do të njoftojë publikun vetëm pasi të përfundojnë të gjitha detajet dhe të arrihet një version përfundimtar i dakorduar nga të gjitha palët.

Ky zhvillim tregon se negociatat mbeten ende të hapura dhe të ndjeshme, ndërsa raportimet kontradiktore nga burime të ndryshme theksojnë pasigurinë rreth ecurisë reale të bisedimeve SHBA–Iran. /Telegrafi/

PDK hap zyrtarisht fushatën zgjedhore në Ferizaj

Thu, 28 May 2026 20:55:07 +0200

Sot nis zyrtarisht fushata për zgjedhjet e parakohshme të 7 qershorit, e cila do të zgjasë 10 ditë e 7 orë dhe përfundon më 7 qershor në ora 06:59.

Partia Demokratike e Kosovës e hapi fushatën në Ferizaj, në sheshin para komunës.

Edhe kryetari i Nismës Socialdemokrate, Fatmir Limaj ka marrë pjesë në hapjen e fushatës zgjedhore nga Partia Demokratike e Kosovës.

Në rreshtin e parë, bashkë me kandidatin për kryeministër, Bedri Hamza dhe figura të tjera të PDK-së, është parë edhe Limaj.

Kreu i Nismës, ditë më parë arriti pajtimin me Hamzën e PDK-së për ta mbështetur në zgjedhjet e parakohshme, megjithëse të dy partitë nuk kanë lidhur një koalicion parazgjedhor, por që e kanë lënë mundësinë e bashkimit në një fazë tjetër.

Vetëvendosje fillon fushatën në Ferizaj

Thu, 28 May 2026 20:50:07 +0200

IMPRESSUM:

KOSOVA NEWS - portal i pavarur informues e hulumtues

BOTUES: KosovaNews sh.p.k. (NUI: 811928152)

Drejtor e kryeredaktor: Jeton Sopa. Gazetare: Beslinda Rexhepi.

Tel: 038 600 149, WA: +38346100004.

E: [email protected]

ADRESA: Rr. Rexhep Mala nr. 18/1 ° Prishtinë, 10060 ° RKS

MARKETING & PARAPAGIM:

Banner ° Reklamë ° Video produkcion

Parapagim: Pako 1 ° Pako 2

Shkruani në: [email protected]

LLOGARITË BANKARE:

1. TEB Bank Sh.A. (Kosovë)

Acc: Kosovanews shpk

No: 2011 0002 1188 9556

2. PaySera (EU, SEPA)

Acc: Kosovanews

No: LT273500010018388807

SWIFT: EVIULT2VXXX

Gruan e godet kali gjatë transmetimit live të Redcar Racecourse në Britani

Thu, 28 May 2026 20:40:06 +0200

Një incident i pazakontë dhe tronditës është regjistruar në Redcar Racecourse në Mbretërinë e Bashkuar, ku një grua u godit me forcë nga një kalë gjatë një transmetimi televiziv drejtpërdrejt.

Viktima, 25-vjeçarja Chloe Briody, e cila punon si kryegroom për trajnerin Richard Fahey, po kryente kontrollin e pajisjeve të kalit (stirrupet) të një kali garash trevjeçar të quajtur Kameko Fever, kur kafsha papritur reagoi dhe e goditi me shkelm.

Goditja e fortë e hodhi gruan në ajër, ndërsa momenti u kap drejtpërdrejt nga kamerat televizive, duke shkaktuar reagime të shumta te shikuesit dhe në rrjetet sociale.

Pavarësisht pamjeve dramatike, fatmirësisht Briody ka shpëtuar vetëm me mavijosje dhe lëndime të lehta.

Ajo është duke u rikuperuar dhe, sipas trajnerit të saj Richard Fahey, “do të kthehet së shpejti në punë”.

Autoritetet dhe ekipi i garave nuk kanë raportuar ndonjë problem tjetër në lidhje me incidentin, ndërsa rasti shërben si kujtesë për rreziqet që shoqërojnë punën e stafit në sportin e garave me kuaj. /Telegrafi/

Neymar rrezikon Kupën e Botës 2026, Brazili shqyrton përjashtimin nga skuadra

Thu, 28 May 2026 20:15:27 +0200

Brazili ka nisur përgatitjet për Kupën e Botës 2026, por situata rreth Neymarit ka ngritur shqetësime serioze në kampin e Seleção-s.

Sipas raportimeve nga ESPN Brazil, federata braziliane e futbollit mund të marrë në konsideratë përjashtimin e Neymarit nga lista përfundimtare e turneut, nëse sulmuesi nuk arrin të rikuperohet deri më 12 qershor, një ditë para ndeshjes hapëse kundër Marokut.

Ylli brazilian ka pësuar një dëmtim dhe së fundmi iu nënshtrua një skanimi urgjent me rezonancë magnetike, ndërsa gjendja e tij fizike mbetet e paqartë.

Raportohet se situata ka shkaktuar shqetësim në kampin e Brazilit, me dyshime të mëdha mbi pjesëmarrjen e tij në Botëror, ndërsa përgatitjet e skuadrës vazhdojnë pa qartësi rreth rolit të tij.

Sinjali – aty ku e vërteta flet para lajmit!

/GazetaSinjali/

ShBA-ja: LNG, çelës për sigurinë energjetike të Kosovës

Thu, 28 May 2026 20:00:07 +0200

E ngarkuara me Punë e Ambasadës së Shteteve të Bashkuara në Kosovë, Anu Prattipati, i është bashkuar Odës Ekonomike Amerikane në Kosovë në lansimin e letrës së politikës për Gazin Natyror të Lëngshëm (LNG), duke theksuar rëndësinë e forcimit të sigurisë energjetike të Kosovës përmes bashkëpunimit me Shtetet e Bashkuara.

Gjatë aktivitetit, Prattipati deklaroi se LNG-ja amerikane, e cilësuar si e bollshme dhe e besueshme, mund të ndihmojë Kosovën në avancimin e zgjidhjeve të sigurta dhe të diversifikuara energjetike, ka njoftuar ambasada e SHBA-së në Prishtinë përmes një postimi në rrjetin social Facebook.

Ajo ka theksuar se Shtetet e Bashkuara janë të gatshme të jenë partnere me Kosovën në zhvillimin e sektorit energjetik dhe në tërheqjen e investimeve strategjike në këtë fushë.

Në fokus të diskutimeve ishte edhe rëndësia e sigurisë energjetike, e cila u vlerësua si element kyç i sigurisë kombëtare dhe stabilitetit ekonomik të vendit.

Djali i shefit të inteligjencës zbuloi “sozinë” Putinit

Thu, 28 May 2026 19:55:06 +0200

Një moment i pazakontë gjatë një takimi zyrtar në Rusi ka nxitur sërish teori dhe spekulime në rrjetet sociale lidhur me pretendimet për përdorimin e “sozive” nga presidenti rus, Vladimir Putin.

Gjatë një informimi zyrtar me Putinin, Patrushev Jr., djali i një prej figurave më të fuqishme të aparatit rus të sigurisë, duket se gaboi teksa po i drejtohej presidentit.

Në vend që të përdorte patronimin e zakonshëm “Vladimir Vladimiroviç”, ai shqiptoi diçka që dëgjohej si “Pal Laiç”, çka shumë përdorues në internet e lidhën me emrin “Pavel Nikolaeviç”.

Ky moment u bë menjëherë viral dhe u interpretua nga teori-konspiracionistët si një “gabim aksidental” që mund të nënkuptonte se personi në takim nuk ishte vetë Putini.

Spekulimet për përdorimin e sozive nga presidenti rus kanë qarkulluar prej vitesh, sidomos pas paraqitjeve të ndryshme publike të tij, por deri më sot nuk ekziston asnjë provë konkrete që mbështet këto pretendime.

Vëmendje ka tërhequr edhe një incident i ngjashëm nga disa vite më parë, kur Patriarku Kirill, kreu i Kishës Ortodokse Ruse, iu drejtua Putinit me emrin “Vladimir Vasiljeviç”, duke gabuar patronimin e tij zyrtar.

Edhe pse raste të tilla mund të jenë thjesht lapsuse gjuhësore, ato vazhdojnë të ushqejnë teori dhe diskutime të shumta në opinionin publik dhe në rrjetet sociale. /Telegrafi/

Modric pritet të rikthehet te Real Madridi pas Botërorit

Thu, 28 May 2026 19:40:14 +0200

Sipas Diario AS, presidenti i Real Madridit, Florentino Perez, i ka premtuar Luka Modricit se dyert e klubit do të mbeten plotësisht të hapura për një rikthim.

Mesfushori legjendar pritet gjerësisht që të tërhiqet zyrtarisht nga futbolli profesionist menjëherë pas përfundimit të Kupës së Botës që po vjen.

Në moshë pothuajse 41-vjeçare, “gjeniu” kroat e kaloi sezonin e fundit te Milan, përpara se të pësonte një dëmtim të rëndë, frakturë të rëndë në mollëz.

Perez po i shfrytëzon rikthimet e mundshme si të Modricit ashtu edhe të Toni Kroosit si “leva” kyçe për të fituar zgjedhjet e ardhshme presidenciale.

Modric ka qenë gjithmonë i prirur drejt administrimit të futbollit, çka e bën një rol të ardhshëm teknik brenda strukturës sportive të Real Madridit një përshtatje të natyrshme.

Statusi i tij i jashtëzakonshëm, i ndërtuar gjatë 13 viteve të shërbimit të jashtëzakonshëm, e bën atë një nga figurat më të respektuara në historinë e afërt.

Dorëzohet në polici i dyshuari për vrasjen e mbrëmshme në Prishtinë

Thu, 28 May 2026 19:25:05 +0200

Agron Hajdari, i njohur me nofkën “Radulla”, ka mbetur i vdekur mbrëmë në lagjen Bregu i Diellit në Prishtinë, si pasojë e të shtënave me armë zjarri.

Drejtoria Rajonale e Policisë në Prishtinë njofton se ka ndërmarrë të gjitha masat e nevojshme policore duke punuar për identifikimin dhe kapjen e personave të dyshuar për rastin dhe vënien e tyre para drejtësisë.

Si rrjedhojë e këtyre angazhimeve, njësiti i hetimeve të përgjithshme ka siguruar prezencën e një personi të dyshuar:

A.P., mashkull, shtetas i Republikës së Kosovës.

Sipas policisë, i dyshuari ka qenë në kërkim për rastin e vrasjes që ka ndodhur mbrëmë në Prishtinë.

Pas përfundimit të procedurave të nevojshme policore, i dyshuari, me vendim të prokurorit të shtetit, është dërguar në qendrën e mbajtjes./Telegrafi/

Netanyahu urdhëron ushtrinë të marrë 70 për qind të territorit të Gazës: Ky është vetëm fillimi

Thu, 28 May 2026 19:20:06 +0200

Kryeministri izraelit, Benjamin Netanyahu deklaroi në një konferencë të organizuar prej tij se ka dhënë urdhra për ushtrinë izraelite (IDF) që të marrë kontrollin mbi 70 për qind të Rripit të Gazës.

“Momentalisht, ne kontrollojmë plotësisht 60 për qind të territorit të Rripit të Gazës… dhe udhëzimi im është që të arrijmë deri në 70 për qind”, tha ai.

Kur një nga të pranishmit bërtiti se Izraeli duhet të marrë “100 për qind” të Gazës, Netanyahu u përgjigj se po veprohet gradualisht, por nuk e përjashtoi mundësinë që ky të jetë qëllimi përfundimtar.

“Do të fillojmë me 70 për qind”, shtoi udhëheqësi izraelit, shkruan cnn.

- YouTube www.youtube.com

Netanyahu javën e kaluar pranoi se Izraeli tashmë kontrollon 60 për qind të territorit të Rripit të Gazës, shifër që është dukshëm më e lartë nga ajo që do të duhej të ishte nën kontrollin e tij.

Hartat e publikuara nga Izraeli në mars treguan një zonë të re të kufizuar jashtë 53 për qind të Gazës që Izraeli kishte kontrolluar pas armëpushimit të arritur me ndërmjetësimin e SHBA-së në tetor.

Zona e kufizuar, e shënuar në harta me vijë portokalli, përbën rreth 11 për qind të territorit të Gazës, përtej “vijës së verdhë”, e cila tregon pjesën e territorit që forcat izraelite kanë zënë që nga armëpushimi.

Këto zona së bashku përbëjnë pothuajse dy të tretat e territorit të Rripit të Gazës. /Telegrafi/

Osmani: Kosova nuk mund ta humbasë të ardhmen nga përçarja politike

Thu, 28 May 2026 19:15:10 +0200

Lidhja Demokratike e Kosovës ka nisur fushatën zgjedhore për zgjedhjet e 7 Qershorit.

Në fjalimin e saj Osmani paralajmëroi se vendi po hyn në një moment vendimtar historik.

“Një popull që ka fituar lirinë kundër të gjitha gjasave nuk mund ta humbasë të ardhmen nga përçarja politike”, deklaroi ajo.

Në fjalimin e saj, Osmani kritikoi ashpër politikën që prodhon konflikte të përhershme dhe “armiq imagjinarë”, ndërsa prezantoi vizionin e saj për një Kosovë që fokusohet te zhvillimi ekonomik, arsimi dhe integrimi ndërkombëtar.

“Nuk ka asgjë heroike në izolim. Nuk ka asgjë patriotike në prishjen e miqësive”, tha ajo.

Ajo e vendosi theksin edhe te nevoja për rikthimin e besimit qytetar te shteti dhe institucionet, duke thënë se Kosova duhet të dalë nga “politika e lodhjes kolektive”.

Në një pjesë të fjalimit që u interpretua si kritikë direkte ndaj qeverisjes aktuale, Osmani tha se qytetarët do të zgjedhin më 7 qershor “mes kaosit dhe maturisë, mes konfliktit dhe ndërtimit”.

Ajo u ndal veçanërisht te largimi i të rinjve nga vendi, duke e cilësuar emigrimin masiv si një alarm kombëtar.

“Kur rinia e sheh aeroportin si shpëtim, shteti duhet të reflektojë”, deklaroi ajo.

Përkrahësit e saj e pritën me duartrokitje të gjata pjesën ku Osmani tha se “Kosova nuk ndërtohet me ndarje rajonale”, por si një republikë e përbashkët dhe sovrane.

Në fund, ajo i bëri thirrje elektoratit të bashkohet rreth një projekti politik që “e rikthen Kosovën në rrugën e saj natyrshme: perëndimore, demokratike dhe të respektuar”.

Amerikani nga Kili, pas 35 vitesh përqafoi sërish nënën nga e cila ishte rrëmbyer kur ishte foshnjë

Thu, 28 May 2026 19:00:06 +0200

Kyle Adler, amerikan i lindur në Kili, u ribashkua me nënën biologjike Ana Maria Navarrete pasi zbuloi se si foshnjë ishte marrë ilegalisht nga familja e saj gjatë diktaturës së Augusto Pinochet.

Adler, sot 36 vjeç, ishte adoptuar në moshën nëntë muajshe dhe ishte rritur në një periferi të pasur të Chicago. Vetëm vite më vonë ai mësoi se ishte një nga mijëra fëmijët e marrë nga familje të varfra dhe autoktone në Kili midis viteve 1973 dhe 1990, gjatë diktaturës ushtarake të gjeneralit Augusto Pinochet.

Nëna e tij biologjike, Ana Maria Navarrete, ishte 19 vjeçe kur e lindi në qytetin bregdetar Coronel, rreth 533 kilometra në jug të kryeqytetit. Ajo ia kishte vendosur emrin Marcos Antonio Navarrete. Meqë punonte turne nate në një dyqan peshku dhe nuk kishte kushte për ta rritur vetë, ajo ia besoi një gruaje që e mori në shtëpinë e saj.

Navarrete pretendon se më vonë ajo grua i kishte thënë se djalin ia kishte dorëzuar një çifti amerikan, pasi një prift lokal kishte organizuar që foshnja “që kishte nevojë për familje” të dërgohej jashtë vendit.

Adler tha se nuk beson që prindërit e tij adoptues e dinin mënyrën se si ishte bërë adoptimi. “Prindërit e mi nuk më vodhën; nuk ma vendosën emrin Kyle nga ligësia. Ata më panë si atë që dëshironin të bëhesha dhe në këtë kishte shumë dashuri”, tha ai për Mike dhe Connie Adler.

Pika e kthesës erdhi në vitin 2017, kur në internet gjeti grupin Nos Buscamos. Organizata brenda tre muajsh konfirmoi origjinën e tij dhe organizoi një takim virtual, ndërsa testi i ADN-së nga MyHeritage më vonë konfirmoi përputhjen me Navarrete, e cila sot jeton në Santiago.

Nëna dhe djali u takuan sërish në shkurt, dy ditë pas ditëlindjes së saj të 56-të. Ata vizituan plazhin në Coronel, spitalin ku ai kishte lindur dhe shtëpinë nga ku ishte marrë, ndërsa u gjet edhe një kopje e certifikatës së tij origjinale të lindjes. Navarrete tani kërkon drejtësi dhe shpreson që përgjegjësit të dënohen me burg.

“Dua drejtësi. Jo vetëm për mua, por edhe për të, sepse nuk e di çfarë jete ka pasur”, tha ajo.

Rasti i tyre është pjesë e përpjekjeve më të gjera të familjeve dhe organizatave që synojnë të zbardhin rrjetet e adoptimeve të rreme në Kili dhe të kërkojnë përgjegjësi nga shteti. /Telegrafi/

Barcelona synon goditje të dyfishtë, ofron 100 milionë euro për Julián Álvarez

Thu, 28 May 2026 18:25:35 +0200

Futboll

Sinjali.com

28 Maj 2026 18:23

Barcelona ka hyrë fuqishëm në merkato me synimin për të përforcuar sulmin, duke nisur bisedimet për transferimin e sulmuesit të Atletico Madridit, Julián Álvarez.

Sipas “The Athletic”, klubi katalanas po përgatit një ofertë zyrtare rreth 100 milionë euro për 26-vjeçarin dhe ka nisur kontaktet me kampin e lojtarit për të lehtësuar negociatat. Bisedimet me Atletico Madridin janë gjithashtu në zhvillim, ndonëse klubi spanjoll raportohet se kërkon një shumë më të lartë për kartonin e tij.

Álvarez thuhet se është i hapur për një kalim te Barcelona dhe kushtet personale nuk pritet të paraqesin pengesë në marrëveshje.

Sulmuesi argjentinas është objektivi kryesor i trajnerit Hansi Flick dhe drejtorit sportiv Deco, të cilët po kërkojnë një zëvendësues afatgjatë për Robert Lewandowskin, i cili pritet të largohet si lojtar i lirë.

Në të njëjtën kohë, Barcelona po punon edhe për një tjetër lëvizje të madhe, duke synuar anësorin e Newcastle United, Anthony Gordon, në një marrëveshje që raportohet se mund të arrijë rreth 80 milionë euro.

Klubi katalanas synon të përforcojë ndjeshëm repartin ofensiv për sezonin e ardhshëm, pa ndalur planet për asnjërin nga dy transferimet e përfolura.

Sinjali – aty ku e vërteta flet para lajmit!

/GazetaSinjali/

Vedat Muriqi, drejt Fenerbahces

Thu, 28 May 2026 18:25:23 +0200

Sulmuesi Vedat Muriqi pritet që nesër (29 maj) të takohet me drejtuesit e klubit të Mallorca, ku do t’iu bëjë kërkesë për t’u larguar.

Fenerbahce dhe Galatasaray kanë shprehur interesim të madh për yllin e Kosovës që pritet të largohet nga skuadra spanjolle, meqenëse kjo e fundit ra në La Liga 2.

Interesim për Muriqin kanë disa skuadra, por dy rivalët e përbetuar turk kanë marrë hapat e parë. Në bazë të raportimeve të mediave turke, lojtari nga Prizreni tashmë e ka refuzuar Galatasarayn shkaku që dikur ishte pjesë e Fenerit.

“Fanatik” raporton se Muriqi e ka bërë prioritet rikthimin te Fenerbahce, ndërsa pritet edhe t’i kërkojë nesër Mallorcas që ta zbresin klauzolën e lirimit në mënyrë që largimi të jetë më i lehtë.

“Vedat Muriqi do të takohet me menaxhmentin e Mallorcas të premten. Futbollisti pritet të kërkojë zbritje në çmim për ta lehtësuar procesin e transferimit”.

“Muriqi nuk e ka pranuar ofertën e Galatasarayt dhe i ka falënderuar për interesimin”, thuhet ndër të tjera.

Ndërkohë, Muriqi edhe kërkoi pak pushim prandaj edhe nuk është me Kosovën për miqësoret e qershorit, mirëpo pritet të rikthehet në shtator kur të nis Liga e Kombeve.

Produkte të rrezikshme – “Temu” gjobitet me 200 milionë euro nga Komisioni Evropian

Thu, 28 May 2026 18:15:13 +0200

,Bashkimi Evropian ka gjobitur gjigantin kinez të tregtisë elektronike “Temu” me 200 milionë euro për ofrimin e produkteve të paligjshme në platformën e tij.

Komisioni Evropian tha sot se Temu “nuk arriti të identifikojë, analizojë ose vlerësojë plotësisht rreziqet sistemike që lidhen me produktet e paligjshme të ofruara në platformën e saj dhe dëmin që ato u shkaktojnë konsumatorëve në Bashkimin Evropian”.

Një hetim nga Komisioni zbuloi se shumë nga produktet nuk i kalojnë kontrollet e sigurisë.

Këto përfshijnë karikues të pasigurt dhe lodra për fëmijë që përmbajnë kimikate që tejkalojnë kufijtë ligjorë të sigurisë dhe paraqesin rrezik.

Hera e parë në histori të Bosnjës - Përfaqësuesi i Lartë mund të jetë amerikan, edhe atë nga inteligjenca

Thu, 28 May 2026 17:55:06 +0200

Bosnja dhe Hercegovina pritet të marrë një Përfaqësues të ri të Lartë pas takimit të Këshillit për Zbatimin e Paqes (PIC), i cili mbahet më 3 dhe 4 qershor. Shtetet e Bashkuara të Amerikës kësaj here po shkojnë në mbledhje me kandidatin e tyre.

Nëse kandidati amerikan zgjidhet, kjo do të ishte hera e parë në historinë e Zyrës së Përfaqësuesit të Lartë (OHR) që në krye të këtij institucioni do të ishte një person nga SHBA.

Rregulli i pashkruar deri tani ka qenë që këtë post ta mbajë një diplomat evropian, ndërsa zëvendësi i tij të vijë nga SHBA, shkruan klix.ba.

Aktualisht, përfaqësues i lartë është gjermani Christian Schmidt, ndërsa zëvendësi i tij është amerikan Louis Crishock.

Sipas informacioneve jozyrtare, kandidati amerikan është William Ruger, i cili aktualisht mban postin e zëvendësdrejtorit në agjencitë kombëtare të inteligjencës në administratën e presidentit amerikan, Donald Trump. Megjithatë, kandidatura e tij shihet si një “urë”.

Siç thuhet nga burime diplomatike, Ruger mund të jetë një kandidat i qëllimshëm për t’u paraqitur si opsion i papranueshëm për vendet evropiane në PIC, në mënyrë që kandidati tjetër – diplomati italian Antonio Zanardi Landi – të duket si zgjidhje kompromisi.

Këto burime shtojnë se Landi gjithashtu nuk është i pakundërshtueshëm, pasi disa vende evropiane kanë rezerva për lidhjet e tij të supozuara me Rusinë.

Megjithatë, ende nuk ka një pasqyrë të qartë se kush do ta pasojë Christian Schmidtin, i cili ka njoftuar dorëheqjen e tij.

Ajo që është e qartë, sipas raportimit, është se SHBA po tregon interes të madh për këtë proces dhe për rolin e ardhshëm të OHR-së në Bosnje dhe Hercegovinë. /Telegrafi/

SHBA e gatshme për partneritet me Kosovën rreth Gazit të Lëngshëm, Prattipati: Siguria energjetike është siguri kombëtare

Thu, 28 May 2026 17:40:07 +0200

E ngarkuara me punë e ambasadës amerikane në Kosovë, Anu Prattipati, iu bashkua Odës Ekonomike Amerikane në Kosovë në lansimin e dokumentit të saj të politikave për Gazin Natyror të Lëngshëm (LNG), njoftoi ambasada.

Ambasada tha se aty ajo theksoi se si LNG-ja amerikane, “e bollshme dhe e besueshme, mund të ndihmojë në forcimin e sigurisë energjetike të Kosovës”.

“Shtetet e Bashkuara janë të pozicionuara për të bashkëpunuar me Kosovën në avancimin e zgjidhjeve të sigurta dhe të diversifikuara energjetike, si dhe për të tërhequr investime të ardhshme. Siguria Energjetike është Siguri Kombëtare”, tha ajo.

Antonio Costa nis turneun në Ballkan, më 3 qershor viziton Kosovën

Thu, 28 May 2026 17:35:09 +0200

Antonio Costa nis turneun në Ballkan, më 3 qershor viziton Kosovën

Presidenti i Këshillit Evropian, António Costa, do ta vizitojë javën tjetër rajonin e Ballkanit Perëndimor. Turneu i tij ballkanik do të nisë të hënën me qëndrim në Sarajevë, ndërsa do të përfundojë të enjten në Mal të Zi.

Vizita në Prishtinë është paraparë për të mërkurën, më 3 qershor, ku ai do të takohet me presidenten në detyrë, Albulena Haxhiu, kryeministrin në detyrë, Albin Kurti, si dhe liderët e partive opozitare.

Vizita e presidentit të Këshillit Evropian organizohet në prag të samitit ndërmjet Bashkimit Evropian dhe Ballkanit Perëndimor, i cili do të mbahet më 5 qershor në Tivat të Malit të Zi.

Kjo konsiderohet ngjarja më e rëndësishme politike për rajonin, e cila mbahet një herë në vit. Liderët e 27 shteteve anëtare të BE-së pritet të kërkojnë nga të gjitha vendet e rajonit që ta shfrytëzojnë momentumin pozitiv në procesin e zgjerimit, të përmirësojnë sundimin e ligjit dhe të zgjidhin kontestet që kanë me fqinjët.

Cilat janë pikat kryesore të marrëveshjes SHBA-Iran, sipas Axios?

Thu, 28 May 2026 17:05:06 +0200

Negociatorët e Shteteve të Bashkuara dhe të Iranit kanë arritur një marrëveshje paraprake për një memorandum mirëkuptimi që do të zgjasë për 60 ditë, me qëllim të vazhdimit të armëpushimit dhe hapjes së një procesi të ri negociatash për programin bërthamor iranian, raporton mediumi amerikan Axios.

Sipas raportimit, marrëveshja është arritur në parim të martën dhe përfaqëson një hap të rëndësishëm diplomatik mes dy vendeve, marrëdhëniet e të cilave kanë qenë të tensionuara prej vitesh për shkak të çështjeve të sigurisë, sanksioneve dhe programit bërthamor të Iranit.

Axios citon dy zyrtarë amerikanë dhe një burim rajonal, të cilët konfirmojnë se diskutimet kanë avancuar më shumë se në fazat e mëparshme të dialogut, shkruan skynews.

Sipas Axios, marrëveshja përfshin pikat e mëposhtme:

Ngushtica e Hormuzit: Kalimi i anijeve në këtë rrugë detare kyçe do të jetë “i pakufizuar”, ndërsa Irani nuk do të vendosë tarifa dhe nuk do të pengojë apo ngacmojë anijet. Po ashtu, Irani do të largojë të gjitha minat nga kjo rrugë detare brenda 30 ditëve.

Bllokada detare e SHBA-së: Shtetet e Bashkuara do të heqin bllokadën ndaj porteve iraniane në përpjesëtim me rikthimin e transportit tregtar detar, sipas një zyrtari amerikan.

Programi bërthamor: Irani do të angazhohet të mos ndjekë zhvillimin e një arme bërthamore. Të dy palët do të negociojnë mënyrën e menaxhimit dhe asgjësimit të uraniumit të pasuruar në nivel të lartë, si dhe mënyrën e trajtimit të programit bërthamor në përgjithësi.

Sanksionet: SHBA angazhohet të diskutojë lehtësimin e sanksioneve dhe lirimin e aseteve iraniane të ngrira. Po ashtu, të dy palët do të diskutojnë mënyrën se si Irani mund të fillojë të marrë mallra dhe ndihmë humanitare. /Telegrafi/

Axios: SHBA dhe Irani arrijnë marrëveshje, në pritje të miratimit të Trumpit

Thu, 28 May 2026 16:45:06 +0200

Axios citon dy zyrtarë amerikanë dhe një burim rajonal, të cilët konfirmojnë se diskutimet kanë avancuar më shumë se në fazat e mëparshme të dialogut, shkruan skynews.

Zyrtarët amerikanë bëjnë të ditur se udhëheqësit e Iranit tashmë kanë dhënë miratimin e tyre për këtë marrëveshje paraprake, duke sinjalizuar gatishmëri për të vijuar procesin diplomatik dhe për të shmangur përshkallëzimin e mëtejshëm të tensioneve në rajon.

Nga ana tjetër, negociatorët amerikanë e kanë informuar presidentin amerikan, Donald Trump mbi përmbajtjen e marrëveshjes dhe zhvillimet e fundit.

Megjithatë, ai nuk ka dhënë menjëherë miratimin e tij, duke kërkuar disa ditë kohë për të shqyrtuar dokumentin dhe për të vlerësuar implikimet politike dhe strategjike të tij.

Marrëveshja e propozuar shihet si një përpjekje për të krijuar një kornizë të përkohshme stabiliteti, e cila mund të shërbejë si bazë për negociata më të gjera dhe më afatgjata mbi çështjen e programit bërthamor të Iranit, një nga temat më të ndjeshme në politikën ndërkombëtare të viteve të fundit. /Telegrafi/

100 eurot, hapet aplikimi për punëtorët e sektorit privat

Thu, 28 May 2026 16:15:13 +0200

Është hapur aplikimi për punëtorët e sektorit jo-publik, të cilët do të përfitojnë nga 100 euro.

Aplikimin mund ta bëni duke plotësuar formularin në vijim: https://apps.atk-ks.org/Subvencionim

Secili i punësuar duhet të aplikojë individualisht, dhe të sigurohet që të dhënat e plotësuara të jenë të sakta.

Llogaria bankare duhet patjetër të jetë në emër të përfituesit. Aplikimet që përmbajnë gabime, refuzohen.

Afati i aplikimit: Deri me datën 5 qershor 2026.

Kush mund të aplikojë:

– Punëtorët në sektorin privat;

– Punëntorët në entitete jo-publike (OJQ);

– Punëtorët në entitete publike por që nuk marrin pagë nga buxheti përmes listës së pagave (Ndërmarrjet Publike, RTK etj).

Kriteri i përfitimit:

– Përfituesi duhet të ketë të ardhura mujore bruto jo më shumë se 1,000 euro;

– Punëtori duhet të jetë i deklaruar në ATK nga punëdhënësi me deklaratën e muajit prill (që është bërë deri me 15 maj).

Produkte të rrezikshme – “Temu” gjobitet me 200 milionë euroo nga Komisioni Evropian

Thu, 28 May 2026 16:10:15 +0200

,Bashkimi Evropian ka gjobitur gjigantin kinez të tregtisë elektronike “Temu” me 200 milionë euro për ofrimin e produkteve të paligjshme në platformën e tij.

Një hetim nga Komisioni zbuloi se shumë nga produktet nuk i kalojnë kontrollet e sigurisë.

Këto përfshijnë karikues të pasigurt dhe lodra për fëmijë që përmbajnë kimikate që tejkalojnë kufijtë ligjorë të sigurisë dhe paraqesin rrezik.

“Alarm” para Botërorit/ Drejtori i FBI, Patel: Shtohen kërcënimet gjatë Kupës se Botës

Thu, 28 May 2026 16:05:18 +0200

Drejtori i FBI-së, Kash Patel, paralajmëroi se qeveritë e huaja mund të intensifikojnë frikësimin, ngacmimin dhe madje sulmet kundër individëve që konsiderohen kërcënime për regjimet e tyre gjatë Kupës së Botës FIFA në Shtetet e Bashkuara.

“Qeveritë e huaja armiqësore po përpiqen qëllimisht të frikësojnë, të heshtin dhe madje të vrasin individë në tokën amerikane, të cilët i konsiderojnë kërcënime për regjimet e tyre”, deklaroi Patel në një mesazh të postuar në llogarinë e tij zyrtare të FBI-së, duke paralajmërua për një rritje të mundshme të këtij aktiviteti gjatë turneut.

Patel shpjegoi se gjatë Kupës së Botës, FBI-ja do të ketë ekipe parandaluese që do të kryejnë hetime kundërzbulimi në më shumë se 56 vende, duke përmendur si shembull Filadelfian, një nga qytetet pritëse të turneut, ku do të luhen gjashtë ndeshje.

Njoftimi vjen mes debateve diplomatike dhe logjistike rreth organizimit të turneut në Shtetet e Bashkuara, përfshirë polemikat rreth pjesëmarrjes së ekipit kombëtar iranian, i cili është në Grupin G dhe ndeshjet e tij janë planifikuar të zhvillohen në Los Angeles dhe Seattle.

Shtetet e Bashkuara siguruan javën e kaluar se ekipit iranian do t’i lejohet të hyjë në vend për të garuar në turne; megjithatë, paralajmëruan se nuk do t’i lejojnë ata të qëndrojnë gjatë natës në territorin e tyre. Në këtë mënyrë, Irani ndryshoi kampion bazë nga Arizona në Tijuana të Meksikës.

Agjenci të tjera federale amerikane kanë forcuar gjithashtu përfshirjen e tyre në operacionin e sigurisë për Kupën e Botës, siç është Departamenti i Sigurisë Kombëtare. Ky i fundit po udhëheq koordinimin e përgjithshëm me autoritetet shtetërore dhe lokale në qytetet pritëse; ndërsa agjenci të tilla si Shërbimi Sekret dhe Agjencia Federale e Menaxhimit të Emergjencavepo mbështesin përpjekjet e planifikimit në pritjen e miliona tifozëve.

Kupa e Botës FIFA 2026 do të fillojë më 11 qershor në stadiumin “Azteca” në Mexico City, ndërsa më pas do të vijojë me ndeshjet e tjera hapëse në Toronto të Kanadasë më 12 qershor dhe Ingleëood të SHBA më 13 qershor.

SHBA sulme në Iran, Trump: Nëse nuk pranohen kushtet tona, godasim sërish

Thu, 28 May 2026 16:05:18 +0200

Marrëveshje nuk ka, por sulmet vazhdojnë. Ushtria amerikane ka goditur një bazë ushtarake në Bandar Abbas, një qytet strategjik port i Iranit. Në përgjigje, Korpusi i Gardës Revolucionare Islamike e Iranit tha se kishte shënjestruar një bazë ajrore amerikane, pa dhënë detaje për vendndodhjen e saj.

Kuvajti, ku ndodhet një bazë ajrore amerikane, tha se mbrojtja e tij ajrore po kapi kërcënime armiqësore me raketa dhe dronë, por nuk specifikoi se nga vinin ato.

Rifillimi i sulmeve kërcënon një armëpushim të brishtë midis Shteteve të Bashkuara dhe Iranit. Kjo është hera e dytë në tre ditë që amerikanët kanë sulmuar objektiva në Iran, duke thënë se sulmet u kryen në vetëmbrojtje.

Objektivi në Bandar Abbas u godit ndërsa ishte gati të lëshonte një dron të pestë, tha Komanda Qendrore Amerikane. Ushtria e Shteteve të Bashkuara i përshkroi veprimet e saj si të matura, thjesht mbrojtëse dhe të destinuara për të ruajtur armëpushimin.

Forcat amerikane thanë gjithashtu se rrëzuan katër dronë sulmues iranianë me një drejtim që përbënin një kërcënim rreth Ngushticës së Hormuzit. Irani i dënoi sulmet si një shkelje të rëndë të armëpushimit dhe u zotua se qeveria iraniane nuk do të lërë asnjë akt armiqësie pa përgjigje.

Presidenti amerikan Donald Trump gjatë një takimi të kabinetit, deklaroi se Shtetet e Bashkuara nuk janë ende të kënaqura me kushtet e marrëveshjes që po negociohet me Iranin, duke paralajmëruar se Uashingtoni mund të rikthejë sulmet ushtarake nëse nuk arrihet një dakordësi përfundimtare.

Presidenti u bëri thirrje gjithashtu vendeve të Gjirit të nënshkruajnë Marrëveshjet e Abrahamit për të normalizuar marrëdhëniet me Izraelin.

Izraeli nisi luftën kundër Iranit së bashku me SHBA më 28 shkurt dhe është gjithashtu nisi sulmet ndaj Libanit me pretendimin se po godet grupin militant Hezbollah, të mbështetur nga Teherani.

/abcnews.al/

Gjykata e Apelit ndryshon pjesërisht vendimin mbi dënimin për njërin nga të akuzuarit në rastin “Cobra City”

Thu, 28 May 2026 16:00:09 +0200

Gjykata e Apelit e Kosovës, me aktgjykimin APS.nr.7/2026 të datës 30.03.2026, me aprovimin e pjesshëm të ankesës së mbrojtësit të të akuzuarit R.S., avokatit R.S., ka ndryshuar aktgjykimin e Gjykatës Themelore në Prishtinë – Departamenti Special, PS.nr.23/2024 të datës 14.11.2025, vetëm përkitazi me vendimin mbi dënimin për veprën penale manipulimi me prova nga neni 389 paragrafi 1 i KPRK-së, ashtu që për këtë vepër penale të njëjtit i është shqiptuar dënim me burgim në kohëzgjatje prej 3 (tre) viteve, ndërsa për tri veprat penale për të cilat është shpallur fajtor të akuzuarit R.S, i është shqiptuar dënim unik me burgim në kohëzgjatje prej 5 (pesë) viteve.

Ndërsa, Gjykata e Apelit i ka refuzuar si të pabazuara ankesat e mbrojtësve të të akuzuarve D.H., avokatëve F.L. dhe M.K.; J.B., avokatit J.R.; A.V., avokatit B.GJ.; dhe B.M., avokatit G.GJ., si dhe pjesën tjetër të ankesës së mbrojtësit të të akuzuarit R.S., avokatit R.S., si dhe ankesën e përfaqësuesit të autorizuar të palës së dëmtuar B.C., avokatit E.K., në raport me të akuzuarit e cekur në dispozitiv të aktgjykimit dhe për këtë pjesë e ka vërtetuar aktgjykimin e Gjykatës Themelore në Prishtinë – Departamenti Special, PS.nr.23/2024 të datës 14.11.2025.

Po ashtu, Gjykata e Apelit ka hedhur si të palejuar ankesën e përfaqësuesit të autorizuar të palës së dëmtuar B.C., avokatit E.K., në raport me të akuzuarin B.M.

Ndërsa me aprovimin e ankesës së përfaqësuesit të autorizuar të palës së dëmtuar R.T., avokatit F.M., dhe sipas detyrës zyrtare ka anuluar aktvendimin e Gjykatës Themelore në Prishtinë – Departamenti Special, PS.nr.23/2024 të datës 23.01.2026, lidhur me refuzimin e kërkesës për kthimin e sendit të sekuestruar dhe çështjen e ka kthyer gjykatës së shkallës së parë në rivendosje.

Gjykata Themelore në Prishtinë – Departamenti Special, me aktgjykimin e ankimuar PS.nr.23/2024 të datës 14.11.2025, e ka shpallur fajtor të akuzuarin D.H. për veprat penale vrasja e rëndë nga neni 173 paragrafi 1 nënparagrafi 1.5 të KPRK-së dhe mbajtja në pronësi, kontroll ose posedim të paautorizuar të armëve nga neni 366 paragrafi 1 të KPRK-së, për të cilat i ka shqiptuar dënim unik me burgim në kohëzgjatje prej 24 (njëzet e katër) viteve. Të akuzuarin R.S. e ka shpallur fajtor për veprat penale manipulimi me prova nga neni 389 paragrafi 1 i KPRK-së, pjesëmarrja në rrahje nga neni 187 paragrafi 2 lidhur me nenin 31 të KPRK-së dhe mbajtja në pronësi, kontroll ose posedim të paautorizuar të armëve nga neni 366 paragrafi 1 të KPRK-së, për të cilat i ka shqiptuar dënim unik me burgim në kohëzgjatje prej 7 (shtatë) viteve. Të akuzuarin J.B. e ka shpallur fajtor për veprat penale pjesëmarrja në rrahje nga neni 187 paragrafi 2 lidhur me nenin 31 të KPRK-së dhe mbajtja në pronësi, kontroll ose posedim të paautorizuar të armëve nga neni 366 paragrafi 1 të KPRK-së, për të cilat i ka shqiptuar dënim unik me burgim në kohëzgjatje prej 2 (dy) viteve. Të akuzuarin A.V. e ka shpallur fajtor për veprën penale pjesëmarrja në rrahje nga neni 187 paragrafi 2 lidhur me nenin 31 të KPRK-së, për të cilën i ka shqiptuar dënim me burgim në kohëzgjatje prej 1 (një) viti, ndërsa të akuzuarin B.M. e ka shpallur fajtor për veprën penale manipulimi me prova nga neni 389 paragrafi 1 i KPRK-së, për të cilën i ka shqiptuar dënim me burgim në kohëzgjatje prej 1 (një) viti.

Gjykata e Apelit, duke shqyrtuar aktgjykimin e ankimuar sipas detyrës zyrtare në kuptim të nenit 394 të KPPK-së, ka vlerësuar se i njëjti nuk është i përfshirë në shkelje esenciale të dispozitave të procedurës penale nga neni 384 paragrafi 1 të KPPK-së, për të cilat kjo gjykatë kujdeset sipas detyrës zyrtare, ngase shqyrtimi gjyqësor është zhvilluar në mënyrë të ligjshme dhe aktgjykimi përmban arsye të qarta dhe të plota lidhur me faktet vendimtare. Sa i përket pretendimeve ankimore të mbrojtësve të të akuzuarve për shkelje esenciale të dispozitave të procedurës penale nga neni 384 paragrafi 2 nënparagrafët 2.1, 2.2, 2.5 dhe 2.7 lidhur me nenin 369 të KPPK-së, si dhe shkelje të nenit 53 të KPPK-së, Gjykata e Apelit ka vlerësuar se të njëjtat janë të pabazuara. Kjo për faktin se dispozitivi i aktgjykimit është i qartë, konkret dhe në përputhje të plotë me arsyetimin e tij, ndërsa gjykata e shkallës së parë ka dhënë arsye të mjaftueshme lidhur me të gjitha faktet vendimtare të kësaj çështjeje penale-juridike, duke bërë vlerësimin e provave në pajtim me nenin 361 paragrafi 1 të KPPK-së dhe duke dhënë arsye të qarta lidhur me vendin, kohën, mënyrën dhe rrethanat e kryerjes së veprave penale nga të akuzuarit.

Suedia i dorëzoi Ukrainës 16 aeroplanë luftarakë Gripen

Thu, 28 May 2026 16:00:05 +0200

Suedia ka konfirmuar se do t’i transferojë Ukrainës 16 aeroplanë luftarakë Jas 39 C/D Gripen, në kuadër të mbështetjes ushtarake ndaj Kievit në luftën kundër Rusisë.

Sipas njoftimeve zyrtare, dorëzimi i avionëve pritet të fillojë në fillim të vitit të ardhshëm.

Në të njëjtën kohë, janë paralajmëruar edhe negociata për shitjen e një numri shtesë aeroplanësh më të avancuar Jas 39E, të cilët konsiderohen version modern i flotës Gripen dhe me kapacitete të përmirësuara luftarake.

Presidenti ukrainas, Volodymyr Zelensky deklaroi se Ukraina pret të marrë avionët e parë Gripen me pilotët e saj në periudhën dhjetor–janar.

Ai theksoi se aeroplanët do të jenë të pajisur me armatim të plotë, përfshirë raketat “Meteor”, të cilat sipas tij kanë aftësi goditjeje deri në 100 kilometra.

“Ne besojmë se do t’i shtyjmë avionët rusë dhe ata nuk do të mund të përdorin në mënyrë masive bombat rrëshqitëse. Kjo është gjëja më e rëndësishme”, u shpreh Zelensky.

Ai shtoi se ka edhe elementë të tjerë të rëndësishëm të marrëveshjes që nuk mund të bëhen publikë për momentin, duke e cilësuar këtë zhvillim si një moment të rëndësishëm për mbrojtjen ajrore të Ukrainës.

Ndryshe, Rusia ka nisur pushtimin ushtarak të shtetit ukrainas më 24 shkurt të vitit 2022. /Telegrafi/

Kosova dhe Shqipëria forcojnë bashkëpunimin në fushën korrektuese

Thu, 28 May 2026 15:50:07 +0200

Drejtori i Përgjithshëm i Shërbimit Korrektues të Kosovës, Ismail Dibrani, priti në takim Drejtorin e Përgjithshëm të Burgjeve të Republikës së Shqipërisë, Adriatik Kupi, si dhe përfaqësuesit e ICITAP-it për Inteligjencën Korrektuese në Ballkan.

Pjesë e delegacionit ishin Frank Karam, Këshilltar i ICITAP për Inteligjencë Korrektuese për Kosovë dhe Shqipëri, si dhe Jeffery Woodworth, Këshilltar i ICITAP për Inteligjencë Korrektuese për Maqedoninë e Veriut.

Me këtë rast, Drejtori Dibrani e uroi Adriatik Kupin për detyrën e re në krye të Drejtorisë së Përgjithshme të Burgjeve të Republikës së Shqipërisë, duke i dëshiruar suksese në ushtrimin e mandatit të tij, si dhe i ofroi bashkëpunim dhe mbështetje të plotë në funksion të forcimit të mëtejmë të marrëdhënieve institucionale.

Gjatë takimit, Drejtori Dibrani prezantoi të arriturat dhe sfidat me të cilat përballet Shërbimi Korrektues i Kosovës, duke vënë theks të veçantë në rehabilitimin dhe risocializimin e personave të dënuar, ngritjen e nivelit të sigurisë, si dhe forcimin e burimeve njerëzore.

Në përfundim të takimit u ritheksua vullneti i përbashkët për thellimin e bashkëpunimit ndërinstitucional, shkëmbimin e përvojave profesionale dhe avancimin e praktikave bashkëkohore në fushën korrektuese, e veçanërisht atë të inteligjencës korrektuese ndërmjet të të dyja vendeve.

Presidenti i Këshillit Evropian Antonio Costa me 3 qershor në Prishtinë, takon Haxhiun, Kurtin e opozitën

Thu, 28 May 2026 15:40:09 +0200

Presidenti i Këshillit Evropian, Antonio Costa, do të vizitojë Prishtinën më 3 qershor.

Përgjatë qëndrimit të tij në Prishtinë, Costa do të takohet me ushtruesen e detyrës së presidentit, Albulena Haxhiun dhe kryeministrin në detyrë Albin Kurti.

Gjithashtu do të takohet edhe me krerët e partive opozitare.

“Të mërkurën, më 3 qershor, Presidenti Costa do të shkojë në Prishtinë, për t’u takuar me Presidenten në detyrë Albulena Haxhiu, kryeministrin në largim Albin Kurti dhe kryetarët e partive opozitare”, konfirmon Këshilli Evropian.

Kjo vizitë e Costas vjen në prag të Samitit BE-Ballkan Perëndimor që do të mbahet më 5 qershor në Tivat të Malit të Zi.

Costa do të zhvillojë vizita edhe në kryeqendrat e tjera të rajonit.

AKK dorëzon në Kushtetuese Rregulloren për Shërbimin Civil, Latifi: Qeveria po cenon autonominë e komunave

Thu, 28 May 2026 15:35:08 +0200

Asociacioni i Komunave të Kosovës (AKK) ka dorëzuar në Gjykatën Kushtetuese kërkesën për vlerësimin e kushtetutshmërisë së Rregullores Nr. 07/2025 për Procedurën e Pranimit në Shërbimin Civil.

Pas dorëzimit të kërkesës, kryetari i Komunës së Rahovecit, Smajl Latifi, tha se kjo rregullore përbën ndërhyrje të nivelit qendror në kompetencat e komunave.

“Në cilësi të palës së autorizuar sipas nenit 113, paragrafi 4 i Kushtetutës së Republikës së Kosovës, posa dorëzuam në Gjykatën Kushtetuese kërkesën për vlerësim të kushtetutshmërisë të rregullores numër 07/2025 për procedurën e pranimit në shërbimin civil, të miratuar nga ana Qeverisë së Republikës së Kosovës me datë 5 qershor 2025”, tha ai.

Latifi tha se komunat nuk do të lejojnë cenimin e autonomisë lokale.

“Kjo është tentativa e radhës e nivelit qendror për të ndërhyrë në punët e komunave, për t’u cenuar autonominë komunave, autonomi kjo e garantuar me kushtetutë dhe me akte ndërkombëtare, si dhe me ligjin për vetëqeverisje lokale. Komunat nuk do ta lejojnë një gjë të tillë”, tha ai.

Sipas tij, rregullorja parasheh centralizim të procedurës së rekrutimit në shërbimin civil.

“Rregullorja e dorëzuar sot në Gjykatën Kushtetuese për neve është kundërkushtetuese sepse parasheh një sistem të centralizuar të rekrutimit për shërbimin civil, ku procedura e rekrutimit do të zhvillohet nga departamenti për menaxhimin e zyrtarëve publikë në kuadër të Ministrisë së Punëve të Brendshme”, tha ai.

Ai shtoi se pret që Gjykata Kushtetuese ta konfirmojë, sipas tij, shkeljen e Kushtetutës dhe të standardeve ndërkombëtare nga ana e Qeverisë.

“Kjo qasje, kjo mendësi e qeverisë është kundërkushtetuese, është kundërligjore dhe presim që këtë ta konfirmojë Gjykata Kushtetuese e Republikës së Kosovës. Ne ju besojmë institucioneve tona të drejtësisë, ne i besojmë Gjykatës tonë Kushtetuese dhe presim t’i konfirmojë këto pretendime. Presim të konfirmohet se qeveria e Kosovës edhe kësaj radhe fatkeqësisht ka shkelur kushtetutën, ka shkelur aktet ndërkombëtare të zbatueshme në Kosovë, siç është karta evropiane për vetëqeverisje lokale dhe standardet e Komisionit të Venecias”, tha ai.

Latifi tha se rregullorja bie ndesh me frymën e decentralizimit dhe me ligjin për vetëqeverisje lokale.

“Sepse bie në kundërshtim me frymën e decentralizimit të pushtetit lokal, sepse ndërton marrëdhënie të paqëndrueshme midis pushtetit lokal dhe pushtetit qendror, sepse është ndërhyrje në kompetencat e pushtetit lokal, pra në kundërshtim edhe me ligjin për vetëqeverisje lokale, sepse është edhe në kundërshtim me frymën kushtetuese”, tha ai.

Gjatë bastisjes në Virginia, zyrtarit të CIA në shtëpi iu gjetën 303 shufra ari dhe 35 orë luksoze Rolex

Thu, 28 May 2026 15:20:07 +0200

Ish-zyrtari amerikan, David Rush është arrestuar në Virginia pasi agjentët e FBI-së gjetën në shtëpinë e tij 303 shufra ari, të vlerësuara mbi 40 milionë dollarë.

Sipas dokumenteve gjyqësore, Rush gjatë vitit të kaluar kishte kërkuar disa herë nga qeveria amerikane ar dhe valuta të huaja për “shpenzime të lidhura me punën”, ndërsa më pas i kishte marrë ato materiale.

Javën e kaluar ndaj tij u ngrit aktakuzë për vjedhje të parave publike dhe deri në seancën dëgjimore ai do të qëndrojë në paraburgim.

Mediat amerikane raportojnë se Rush deri vonë mbante një pozitë të lartë në CIA. FBI-ja njoftoi se arrestimi u krye më 19 maj, pasi CIA, pas një hetimi të brendshëm, raportoi shkelje të mundshme të ligjit.

- YouTube www.youtube.com

“Pasi hetimi i brendshëm i CIA-s konstatoi shkelje të mundshme të ligjit, drejtori i CIA-s, John Ratcliffe, ia përcolli informacionet FBI-së për hetim penal”, thuhet në deklaratën e FBI-së.

Dokumentet gjyqësore thonë se Rush kishte qasje në informacione sekrete dhe autorizim të nivelit më të lartë të besueshmërisë. Hetuesit e akuzojnë gjithashtu se kishte gënjyer për arsimimin dhe shërbimin ushtarak gjatë punësimit, si dhe kishte përdorur në mënyrë të rreme pushimin ushtarak duke përfituar mijëra dollarë.

Gjatë kontrollit në shtëpinë e tij në Virginia më 18 maj, agjentët përveç 303 shufrave të arit, secila me peshë rreth një kilogram, gjetën edhe rreth dy milionë dollarë para në dorë dhe 35 orë luksoze, mes tyre disa Rolex.

Dokumentet gjyqësore nuk sqarojnë pse Rush mbante arin dhe paratë në shtëpinë e tij, ndërsa nuk ekziston asnjë evidencë që ai ta ketë njoftuar punëdhënësin se çfarë kishte ndodhur me fondet që kishte marrë për nevoja zyrtare. /Telegrafi/

Vdes një këmbësor, goditet nga një veturë në Zllopek të Pejës

Thu, 28 May 2026 15:20:06 +0200

Një këmbësor ka humbur jetën pasi u godit nga një veturë në lëvizje sot rreth orës 11:00 në fshatin Zllopek të Pejës.

Lajmi u bë i ditur përmes një njoftimi për media nga Policia e Kosovës për rajonin e Pejës.

Sipas njoftimi thuhet se deri te aksidenti ka ardhur deri sa automjeti (A) ishte duke qarkulluar nga fshati Kosuriq-Pejë, me të arritur në fshatin Zllopek - Pejë, duke mos ju përshtatur kushteve të rrugës (shpejtësisë) ku me pjesën ballore e godet këmbësorin i cili ishte duke e kaluar rrugën nga ana e djathtë e lëvizjes se automjetit në te majte.

“Ju informojmë se sot, më datën 28 maj 2026, rreth orës 11:00, Policia është informuar për një aksident trafiku i cili ka ndodhur në fshatin Zllopek-Pejë. Nё vendin e ngjarjes kanё dalё njёsitet kompetente tё Njesitit Rajonal tё Komunikacionit Rrugor (NJRKRR). Deri te aksidenti ka ardhur deri sa automjeti (A) ishte duke qarkulluar nga fshati Kosuriq-Pejë, me të arritur në fshatin Zllopek - Pejë, duke mos ju përshtatur kushteve të rrugës (shpejtësisë) ku me pjesën ballore e godet këmbësorin i cili ishte duke e kaluar rrugën nga ana e djathtë e lëvizjes se automjetit në te majte. Pas lëndimeve të marrura të cilave nuk ka mundur tu perballoji. Vdekjen e viktimës në vend ngjarje e ka konstatuar mjeku kujdestarë”, thuhet në njoftim.

Ndërkaq, siç bëhet e ditur në njoftim me urdhër të Prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë, ndërsa i dyshuari me vendim të Prokurorit të Shtetit dërgohet në mbajtje për 48 orë. /Telegrafi/

Bajqinovci: Me qytetarët gjithmonë, jo vetëm në kohë zgjedhjesh

Thu, 28 May 2026 15:00:10 +0200

IMPRESSUM:

KOSOVA NEWS - portal i pavarur informues e hulumtues

BOTUES: KosovaNews sh.p.k. (NUI: 811928152)

Drejtor e kryeredaktor: Jeton Sopa. Gazetare: Beslinda Rexhepi.

Tel: 038 600 149, WA: +38346100004.

E: [email protected]

ADRESA: Rr. Rexhep Mala nr. 18/1 ° Prishtinë, 10060 ° RKS

MARKETING & PARAPAGIM:

Banner ° Reklamë ° Video produkcion

Parapagim: Pako 1 ° Pako 2

Shkruani në: [email protected]

LLOGARITË BANKARE:

1. TEB Bank Sh.A. (Kosovë)

Acc: Kosovanews shpk

No: 2011 0002 1188 9556

2. PaySera (EU, SEPA)

Acc: Kosovanews

No: LT273500010018388807

SWIFT: EVIULT2VXXX

Dronët ukrainasë me inteligjencë artificiale po shkatërrojnë logjistikën ruse

Thu, 28 May 2026 14:45:05 +0200

Lufta e Ukrainës me dronë po lëviz më thellë në prapavijë të Rusisë, dhe ura tokësore për në Krime po bëhet një vend i rrezikshëm për të ngarë makinën.

Në javët e fundit, njësitë ukrainase të dronëve kanë intensifikuar sulmet ndaj rrugëve logjistike ruse në të gjithë Ukrainën jugore të pushtuar, transmeton Telegrafi.

Analisti i burimeve të hapura Clément Molin ka numëruar më shumë se 125 sulme përgjatë korridorit, ku forcat ruse mbështeten shumë në konvojet e kamionëve për të lëvizur trupa, karburant dhe municione në front.

Pjesa më e madhe e këtij trafiku shkon nga Rostov-mbi-Don përmes Mariupolit të pushtuar, pastaj ose në perëndim drejt Krimesë përgjatë autostradës M-14 ose në veri drejt Donetskut përgjatë autostradës H-20, të dyja tani nën sulm intensiv me dronë të projektuar për të ndërprerë rrjedhën e municioneve, karburantit dhe përforcimeve para se të arrijnë në front.

Rusia ka ndarë afërsisht 11.8 miliardë dollarë për infrastrukturën në të gjithë Ukrainën e pushtuar, duke përfshirë rrjetin e autostradës "Azov Ring" që lidh Rusinë me Krimenë përmes jugut të pushtuar, sipas një raporti të Reuters nga marsi 2026.

Blogeri ushtarak rus Vladimir Romanov kohët e fundit pretendoi se sulmet ukrainase përgjatë korridorit tashmë po kontribuonin në mungesat e karburantit në Sevastopol, duke i përshkruar ato si "fillimi i pasojave" të sulmeve sistematike ndaj infrastrukturës së naftës dhe kamionëve cisternë që furnizojnë Krimenë.

Shumë nga këto sulme po kryhen nga një numër më i madh dronësh të asistuar nga inteligjenca artificiale që veprojnë më thellë pas frontit, duke i dhënë Ukrainës një aftësi në rritje për të gjuajtur logjistikën ruse në shkallë të gjerë.

Për Rusinë, problemi nuk është vetëm numri i dronëve. Është vendi ku ata gjuajnë. Instituti për Studimin e Luftës shkroi më 25 maj se "arti operacional i Ukrainës është pjekur", me komandantët që kombinojnë operacionet formësuese, sulmet me rreze të mesme veprimi dhe superioritetin taktik të dronëve për të mbështetur manovrat e fushës së betejës.

George Barros, drejtor i inovacionit dhe tregtisë me burim të hapur në ISW, më tha se "forcat ukrainase duket se kanë një epërsi të vogël në aspektin e teknologjisë dhe inovacionit të dronëve".

Roy Gardiner, një analist armësh me burim të hapur dhe ish-oficer kanadez, më tha se Ukraina e ka zgjeruar ndjeshëm numrin e dronëve të disponueshëm për sulme me rreze të mesme këtë vit, duke lejuar sulme shumë më thellë pas frontit.

Përdorimi në rritje i dronëve Hornet të mundësuar nga inteligjenca artificiale, tha ai, po krijon probleme në rritje për forcat ruse në zonat e pasme që dikur i konsideronin relativisht të sigurta.

Dmytro Putiata, një operator dronësh me Brigadën e 20-të të Sistemeve Pa Pilot të Ukrainës, më tha se Ukraina po "minon në mënyrë aktive logjistikën ruse" me dronë të projektuar për sulme në thellësi operative.

Krahas dronëve më të mëdhenj që mbajnë koka luftarake 50-100 kilogramë, ai tha se Ukraina po përdor gjithnjë e më shumë sisteme më të lira të afta të fluturojnë 100-150 kilometra për të goditur rrugët logjistike dhe objektiva të tjera ushtarake.

Gardiner tha se sulmet Hornet ndaj automjeteve logjistike ruse ndihmohen nga lidhja Starlink dhe autonomia e inteligjencës artificiale, duke i bërë ato më të vështira për t'u ndaluar nga ndërhyrjet ruse.

Ai shtoi se numri në rritje i sulmeve të njëkohshme Hornet tregon drejt taktikave më të koordinuara si tufa.

Por operimi më thellë pas frontit krijon gjithashtu dobësi të reja komunikimi. Starlink nuk është i paprekshëm. Ryan O’Leary, një ish-luftëtar amerikan që drejtoi njësinë vullnetare të Chosen Company në Ukrainë, më tha se njësitë ukrainase të dronëve kanë nevojë për mbështetje siç janë rrjetet radio mesh, të njohura edhe si sisteme MANET.

Ndryshe nga një lidhje tradicionale një-me-një me dronë, një rrjet mesh i kthen dronët, stacionet tokësore dhe automjetet pa pilot në rele.

Nëse një lidhje bllokohet ose humbet, sinjali mund të ridrejtohet përmes një nyje tjetër, duke e bërë rrjetin më të vështirë për luftën elektronike ruse për ta prerë.

Ndërsa Ukraina i shtyn dronët më tej pas frontit, autonomia po bëhet gjithnjë e më e rëndësishme.

Viktor Sakharchuk, CEO i Twist Robotics, më tha se sistemet e dronëve me inteligjencë artificiale kërkojnë të dhëna të gjera trajnimi në vijën e frontit dhe përshtatje të vazhdueshme në fushën e betejës.

Në frontet e pyllëzuara si Kharkiv, synimi i asistuar nga inteligjenca artificiale mund të ketë vështirësi. Pemët, hijet dhe terreni i rrëmujshëm mund të ngatërrojnë algoritmet.

Por ura tokësore për në Krime është ndryshe. Autostradat e hapura nëpër territoret e pushtuara i lënë kamionët, cisternat e karburantit dhe automjetet ushtarake të ekspozuara si ndaj operatorëve njerëzorë ashtu edhe ndaj synimit të asistuar nga inteligjenca artificiale.

Deborah Fairlamb, themeluese dhe partnere menaxhuese e Green Flag Ventures, më tha se autonomia tani ka të bëjë me vendimmarrjen: nëse një dron në një tufë shkatërrohet, të tjerët përshtaten automatikisht.

"Ukraina ka ndërtuar baza të dhënash masive videosh që nga viti 2014, veçanërisht pas vitit 2022", shtoi ajo. "Ata po i përdorin këto të dhëna për të trajnuar algoritme për të njohur objektet dhe skenarët e fushëbetejës", shtoi ajo. /Telegrafi/

Treshja kosovare e Hoffenheimit vlejnë 90 milionë euro

Thu, 28 May 2026 14:30:29 +0200

Futboll

Sinjali.com

28 Maj 2026 14:29

Tre futbollistët kosovarë që aktivizohen te Hoffenheim kanë shënuar rritje të ndjeshme të vlerës së tyre në tregun e transferimeve, sipas vlerësimeve më të fundit të Transfermarkt.

Fisnik Asllani, Leon Avdullahu dhe Albian Hajdari po marrin gjithnjë e më shumë vëmendje si në Gjermani ashtu edhe në Kosovë, falë paraqitjeve të mira gjatë sezonit të fundit në Bundesliga.

Sipas përditësimit të fundit, vlera totale e treshes arrin rreth 90 milionë euro, duke reflektuar progresin dhe formën e tyre të vazhdueshme në futbollin gjerman.

Paraqitjet e tyre kanë ndihmuar Hoffenheimin të konsolidojë pozitat në elitën e futbollit gjerman dhe të sigurojë pjesëmarrjen në garat evropiane pas një sezoni të suksesshëm.

Me këto shifra, tre lojtarët kosovarë renditen ndër futbollistët më të vlefshëm të Kombëtares së Kosovës dhe konsiderohen ndër talentet më premtuese në futbollin evropian.

Sipas Transfermarkt, rritjet individuale janë:

Fisnik Asllani nga 30 në 35 milionë euro

Leon Avdullahu nga 25 në 30 milionë euro

Albian Hajdari nga 20 në 25 milionë euro

Sinjali – aty ku e vërteta flet para lajmit!

/GazetaSinjali/

Vdes një 70 vjeçar në një aksident mes dy veturash në rrugën Viti-Ramnishtë, një tjetër lëndohet

Thu, 28 May 2026 14:30:05 +0200

Një person i moshës 70 vjeçare ka ndërruar jetë dhe një tjetër ka marrë lëndime trupore nga një aksident mes dy veturash i cili ka ndodhur sot rreth orës 08:30 në rrugën Viti-Ramnishtë.

Lajmin për Telegrafin e ka konfirmuar zëdhënësi i Policisë së Kosovës për rajonin e Ferizajt, Ismet Hashani.

Sipas tij, lidhur me rastin është njoftuar Prokurori i Shtetit, i cili ka urdhëruar që ndaj drejtuesit tjetër të automjetit të caktohet masa e ndalimit për 48 orë, ndërsa trupi i pajetë i viktimës të dërgohet për obduksion në Institutin e Mjekësisë Ligjore në Prishtinë.

“Ju njoftojmë se sot, më 28.05.2026, rreth orës 08:30, në rrugën Viti – Ramnishtë, ka ndodhur një aksident trafiku ndërmjet dy veturave. Në vendin e ngjarjes kanë dalë njësitet e Trafikut Rajonal, ndërsa sipas hetimeve të para, lëndime trupor kanë pësuar të dy drejtuesit e automjeteve, të cilët janë banorë të Komunës së Vitisë. Si pasojë e aksidentit, njëri prej tyre ka pësuar lëndime të rënda trupore. Të lënduarit janë transportuar me urgjencë në Spitalin Rajonal në Gjilan për trajtim mjekësor. Personi i lënduar, rreth 70-vjeçar nga fshati Lubishtë i Komunës së Vitisë, përkundër përpjekjeve të mjekëve dhe trajtimit të ofruar në Spitalin e Gjilanit, nuk ka arritur t’u mbijetojë plagëve të marra dhe ka ndërruar jetë. Lidhur me rastin është njoftuar Prokurori i Shtetit, i cili ka urdhëruar që ndaj drejtuesit tjetër të automjetit të caktohet masa e ndalimit për 48 orë, ndërsa trupi i pajetë i viktimës të dërgohet për obduksion në Institutin e Mjekësisë Ligjore në Prishtinë”, ka thënë Hashani.

Tutje ai tha se hetimet për zbardhjen e rrethanave të këtij aksidenti të rëndë janë duke u zhvilluar nga hetuesit rajonalë të aksidenteve të trafikut të Policisë së Kosovës në Gjilan. /Telegrafi/

Haskuka: Marrja e stacioneve në Zveçan e Leposaviq, dëshmia më e mirë e VETVËNDOSJES sonë

Thu, 28 May 2026 14:20:09 +0200

Deputeti dhe kandidati i Lëvizja Vetëvendosje për deputet me numrin 50 në listë, Mytaher Haskuka, ka reaguar lidhur me marrjen nën kontroll dhe menaxhim të plotë të stacioneve hekurudhore në Zveçan dhe Leposaviq nga ndërmarrja publike Infrakos.

Ai tha se ky veprim paraqet dëshmi të qartë të vendosmërisë institucionale për rikthimin e pronës publike në duart e shtetit.

“Ndërmarrja jonë publike Infrakos, tashmë ka marrë nën kontroll dhe menaxhim të plotë stacionet hekurudhore në Zveçan dhe Leposaviq. Kjo është dëshmia më e mirë e VETËVENDOSJES sonë të palëkundur për të kthyer pronën publike në duart e shtetit”, ka shkruar Haskuka ne Facebook.

Shpresat për një marrëveshje paqeje zbehen, ndërsa SHBA-të dhe Irani shkëmbejnë sërish zjarr

Thu, 28 May 2026 14:15:07 +0200

Irani dhe SHBA-të kanë vazhduar të këmbëngulin në versione thelbësisht të ndryshme të çdo marrëveshjeje përfundimtare për t'i dhënë fund luftës në vazhdim, pasi të dyja palët thuhet se shkëmbyen sulme në Gjirin Persik për herë të dytë brenda tre ditësh dhe Uashingtoni sanksionoi autoritetin e ri të tranzitit të Hormuzit të Teheranit.

Zyra e Kontrollit të Aseteve të Huaja e Departamentit të Thesarit të SHBA-së e vendosi Autoritetin e Ngushticës së Gjirit Persik në listën e saj të sanksioneve të mërkurën, duke thënë se ishte "një përpjekje e re nga Korpusi i Gardës Revolucionare Islamike për të monetizuar fushatën e saj të terrorit të sponsorizuar nga shteti duke shantazhuar anijet që kalojnë nëpër Ngushticën e Hormuzit".

Thesari tha se PGSA "udhëheq një skemë të kontrolluar nga Irani që shkel në mënyrë flagrante ligjin ndërkombëtar dhe sanksionet e SHBA-së", dhe paralajmëroi se çdo pagesë ndaj këtij organi për kalimin nëpër ngushticë mund t'i ekspozojë individët dhe kompanitë ndaj sanksioneve.

Zyrtarët iranianë kishin folur më parë publikisht për një tarifë prej 2 milionë dollarësh (1.7 milionë euro) për anije, transmeton Telegrafi.

Instituti për Studimin e Luftës (ISW) me seli në Uashington tha se zyrtarë të lartë iranianë po e përshkruanin kontrollin mbi ngushticën si një domosdoshmëri strategjike dhe një element thelbësor të parandalimit kundër SHBA-së dhe Izraelit.

ISW vuri në dukje se çdo marrëveshje që kërkon që trafiku detar të kalojë përmes një skeme të ndarjes së trafikut të miratuar nga Irani, do të kundërshtonte drejtpërdrejt kërkesën e SHBA-së për liri lundrimi dhe do të krijonte një precedent të rrezikshëm për rrugët ujore ndërkombëtare.

I pyetur nëse do të pranonte një marrëveshje afatshkurtër sipas së cilës Irani dhe Omani do të kontrollonin rrugën ujore, presidenti i SHBA-së, Donald Trump tha se "ngushtica do të jetë e hapur për të gjithë. Janë ujëra ndërkombëtare. Ne do ta mbikëqyrim atë, por askush nuk do ta kontrollojë atë".

"Omani do të sillet si të gjithë të tjerët ose do të na duhet t'i hedhim në erë. Ata e kuptojnë këtë", shtoi ai.

Shtëpia e Bardhë mohoi ekzistencën e një draft-marrëveshjeje të publikuar nga televizioni shtetëror iranian në lidhje me negociatat, duke e quajtur atë "një trillim të plotë".

Sipas ISW, rrëfimet kontradiktore të përmbajtjes së draftit tregojnë mosmarrëveshje të vazhdueshme mbi çështjet kryesore.

"Renditja e propozuar e lëshimeve nga Irani do të kërkonte që Shtetet e Bashkuara të hiqnin dorë nga burimet kryesore të ndikimit përpara se të fillonin negociatat mbi programin bërthamor të Iranit, gjë që do të zvogëlonte ndjeshëm ndikimin e SHBA-së në çdo negociatë të ardhshme bërthamore", tha grupi i ekspertëve.

Ndërkohë, CENTCOM i SHBA-së tha se kishte shënjestruar katër dronë iranianë të përshkruar si një kërcënim për ngushticën dhe shkatërroi një stacion kontrolli të dronëve në Bandar Abbas që po përpiqej të lëshonte një të pestë.

IRGC e kundërshtoi këtë deklaratë, duke thënë se SHBA-të kishin goditur "tokë të djegur" pranë aeroportit të Bandar Abbas dhe duke pretenduar se ishin hakmarrë në orën 4:50 të mëngjesit duke shënjestruar bazën ajrore amerikane nga e cila filloi sulmi, duke e përshkruar përgjigjen si "një paralajmërim serioz".

IRGC tha se çdo sulm i mëtejshëm i SHBA-së do të përballej me një përgjigje "më vendimtare" dhe ia la përgjegjësinë për pasojat Uashingtonit.

IRGC gjithashtu publikoi pamje të një lëshimi rakete gjatë natës me imazhe anti-amerikane në raketat e saj, duke përfshirë një slogan në gjuhën angleze, "Me armën e besimit ... ne e shtyjmë armikun tonë prapa dhe e poshtërojmë atë".

Nuk e identifikoi bazën ajrore që tha se kishte shënjestruar, megjithatë mediat kuvajtiane raportuan sirena në vend gjatë orëve të para të mëngjesit të së enjtes.

Mbetet e paqartë nëse alarmi lidhej me ndonjë kërcënim që vinte nga Irani apo nga një prej përfaqësuesve të tij në rajonin më të gjerë.

IRGC-ja pretendoi gjithashtu se kishte sulmuar një tanker nafte amerikane, që po përpiqej të kalonte nëpër ngushticë me radarin e fikur. CENTCOM nuk e konfirmoi këtë pretendim.

Pretendimet e Teheranit nuk mund të konfirmoheshin në mënyrë të pavarur.

Më parë gjatë javës, pesë shtete të Gjirit - Bahreini, Kuvajti, Katari, Arabia Saudite dhe Emiratet e Bashkuara Arabe - i paralajmëruan zyrtarisht kompanitë e transportit detar përmes Organizatës Ndërkombëtare Detare që të mos zbatonin rregulloret e PGSA-së, pasi Irani publikoi një hartë që pretendonte kontroll rregullator mbi një pjesë të ngushticës që shtrihej në ujërat territoriale të Emirateve të Bashkuara Arabe dhe Omanit.

ISW tha se media iraniane Nour News kishte publikuar një artikull opinioni ku argumentonte se Irani duhet ta shndërrojë "fitoren" e tij të fundit ushtarake në një sukses më të gjerë politik - duke treguar një besim brenda regjimit se doli nga lufta në një pozicion force. /Telegrafi/

Abazoviq mohon se ka video eksplicite me ish-sekretaren e shtetit malazez

Thu, 28 May 2026 14:15:07 +0200

Ish-kryeministri i Mali i Zi dhe kryetari i lëvizjes qytetare “URA”, Dritan Abazoviq, foli për situatën politike dhe shoqërore në këtë vend, duke u ndalur edhe te krimi i organizuar dhe personat e përfshirë në shumë veprime të dyshimta.

Duke folur në emisionin “Slobodna zona”, Abazoviqi komentoi edhe publikimin e fundit të videove eksplicite në publik, ku ishte përfshirë ish-sekretarja shtetërore në Ministrinë për të Drejtat e Njeriut dhe të Pakicave të Malit të Zi, Mirjana Pajkoviq.

Duke pasur parasysh se në videot e publikuara shfaqeshin shumë figura të njohura në Mal të Zi, Abazoviqi u pyet nëse ekziston ndonjë video ku shfaqet edhe ai.

“Nuk jam unë. Ju e dini, unë kam kaluar gjithçka. Për mua ishte një avantazh i madh që gjatë gjithë këtyre viteve nuk kam qenë njeri familjar. E kuptova menjëherë çfarë duan të bëjnë këta njerëz nga krimi i organizuar”, tha duke buzëqeshur Abazoviq.

Ai theksoi gjithashtu se është plotësisht i qetë sa i përket gjithë situatës.

“Gjithmonë jam larg situatave. Jam shumë i kënaqur. Jam plotësisht i relaksuar dhe po shijoj gjithçka”, deklaroi ish-kryeministri.

Në fund, ai tha se shumë persona nga jeta politike mund të përballen me probleme për shkak të videove të ngjashme.

“Nuk mund të flas dhe as nuk di shumë për këtë. Do të shohim. Ju kam thënë se ka njerëz që mund të jenë në telashe. Nuk do të thotë patjetër se do të jenë, por mund të jenë”, përfundoi ish-kryeministri i Malit të Zi.

Në fillim të këtij viti, një skandal seksual kishte tronditur skenën politike malazeze, pasi në rrjetet sociale janë shpërndarë video dhe foto me përmbajtje intime, të cilat pretendohet se përfshijnë dy ish-zyrtarë të lartë shtetërorë - Mirjana Pajkoviq, ish-sekretare shtetit, dhe Dejan Vukshiq, ish-drejtor i Agjencisë për Siguri Kombëtare. /Telegrafi/

Si po ndryshon e ardhmja e duhanpirjes

Thu, 28 May 2026 13:55:28 +0200

Në Stockholm u zhvillua Technovation Smoke-Free 2026, një nga eventet më të rëndësishme ndërkombëtare të fokusuar tek inovacioni, alternativat pa tym dhe politikat e reduktimit të dëmit nga duhanpirja. Organizuar nga Philip Morris International, eventi mblodhi ekspertë të shëndetit publik, studiues, përfaqësues të industrisë dhe politikëbërës për të diskutuar mbi mënyrën se si teknologjia dhe shkenca po ndikojnë në transformimin e tregut global të nikotinës.

I mbajtur në ambientet e Fotografiska, muzeut të njohur të fotografisë dhe artit modern, eventi u ndërtua rreth idesë së një të ardhmeje ku cigaret tradicionale mund të konsiderohen produkte të së kaluarës. Në fund të konferencës, organizatorët prezantuan simbolikisht një ekspozim muzeal me cigare, si një mënyrë për të ilustruar vizionin e tyre për një të ardhme “pa tym”.

Suedia në qendër të diskutimeve

Një pjesë e rëndësishme e diskutimeve u fokusua tek ajo që pjesëmarrësit e quajtën “modeli suedez”. Suedia konsiderohet aktualisht vendi me normën më të ulët të duhanpirjes në Bashkimin Europian, me rreth 5.4% të popullsisë duhanpirëse, shumë pranë nivelit që Organizata Botërore e Shëndetësisë e konsideron si prag “smoke-free”.

Sipas panelistëve, ulja e normës së duhanpirjes në Suedi lidhet jo vetëm me masat tradicionale të kontrollit të duhanit, por edhe me përdorimin e alternativave pa tym si snus, produktet me ngrohje të duhanit dhe qeset e nikotinës. Diskutimet u përqendruan tek ideja se produktet duhet të rregullohen në bazë të nivelit relativ të riskut dhe se duhanpirësit adultë duhet të kenë akses tek alternativa që konsiderohen më pak të dëmshme krahasuar me cigaret tradicionale.

Teknologjia dhe shkenca si faktorë kyç

Gjatë konferencës u theksua vazhdimisht roli i kërkimit shkencor dhe inovacionit teknologjik në zhvillimin e produkteve pa tym. Sipas të dhënave të prezantuara në event, PMI ka investuar mbi 16 miliardë dollarë në zhvillimin e alternativave pa djegie që prej vitit 2008. Portofoli përfshin produkte me ngrohje të duhanit, cigare elektronike, produkte orale dhe qeska nikotine.

Në diskutime u rikthye shpesh koncepti se dëmi më i madh lidhet me procesin e djegies së duhanit dhe jo vetëm me nikotinën. Produktet pa djegie u prezantuan si alternativa që synojnë të reduktojnë ekspozimin ndaj substancave toksike që krijohen nga tymi i cigareve tradicionale.

Një tjetër temë e trajtuar ishte edhe mënyra se si perceptimet publike dhe skepticizmi ndikojnë në pranimin e inovacionit. Folësit argumentuan se shumë teknologji që sot konsiderohen të zakonshme janë përballur fillimisht me rezistencë dhe mosbesim, ndërsa theksuan se edhe debati mbi alternativat pa tym po kalon një fazë të ngjashme.

Debati mbi rregullimin dhe politikat publike

Një nga sesionet kryesore të eventit u fokusua tek politikat e reduktimit të dëmit dhe mënyra se si qeveritë po përpiqen të balancojnë mbrojtjen e shëndetit publik me realitetin e sjelljes së konsumatorëve. Panelistët argumentuan se ndalimet totale apo rregullimet tepër kufizuese mund të sjellin pasoja të tjera, si tregtia ilegale, produktet e falsifikuara apo vazhdimi i konsumit të cigareve tradicionale.

Në të njëjtën kohë, pjesëmarrësit theksuan se produktet me nikotinë nuk janë pa risk dhe nuk duhet të përdoren nga të rinjtë apo personat që nuk konsumojnë nikotinë. Për këtë arsye, gjatë eventit u diskutua nevoja për rregullim të fortë, kontrolle moshe dhe standarde të qarta për tregun.

Technovation 2026 e vendosi edhe një herë në qendër të debatit ndërkombëtar pyetjen se si do të duket e ardhmja e kontrollit të duhanit në dekadat e ardhshme. Përmes diskutimeve mbi shkencën, inovacionin dhe përvojën suedeze, eventi tregoi se debati global po zhvendoset gjithnjë e më shumë drejt qasjeve që fokusohen tek reduktimi i dëmit dhe transformimi i sjelljes së konsumatorëve adultë.

Liverpool planifikon revolucion në mesfushë

Thu, 28 May 2026 13:50:28 +0200

Futboll

Sinjali.com

28 Maj 2026 13:48

Liverpooli pritet të bëjë lëvizje të mëdha në repartin e mesfushës gjatë afatit kalimtar veror, pasi trajneri Arne Slot synon ndryshime të thella pas një sezoni zhgënjyes pa trofe.

Sipas gazetarit James Pearce nga The Athletic, klubi anglez po shqyrton afrimin e dy mesfushorëve të rinj qendrorë, ndërsa një nga arsyet kryesore lidhet me rënien e formës së Alexis Mac Allister.

Mesfushori argjentinas, i transferuar nga Brighton në vitin 2023 për rreth 35 milionë funte, nuk ka arritur të bindë plotësisht këtë sezon. Statistikat e tij kanë ngritur shqetësime, pasi fitoi më pak se gjysmën e dueleve në Premier League, pati efikasitet të ulët në driblime dhe shpesh humbi posedimin e topit. Gjatë sezonit ai realizoi vetëm dy gola dhe dhuroi katër asistime.

Problemet në repartin defensiv të Liverpoolit e kanë bërë situatën edhe më të vështirë. Skuadra pësoi 53 gola në kampionat, një nga bilancet më të dobëta mes ekipeve të pjesës së sipërme të tabelës.

Legjenda e klubit, Jamie Carragher, kishte kritikuar publikisht mungesën e forcës fizike në ekip pas humbjes ndaj Manchester United, ndërsa drejtuesit e klubit duket se po kërkojnë një mesfushor më agresiv dhe më luftarak.

Ndryshimet nuk pritet të ndalen vetëm në mesfushë. Mohamed Salah dhe Andy Robertson kanë konfirmuar largimin nga klubi, ndërsa Liverpooli synon të shtojë edhe më shumë shpejtësi në repartin ofensiv.

Mac Allister kishte luajtur rol të rëndësishëm në suksesin e sezonit të kaluar, prandaj rënia e tij këtë edicion ka zhgënjyer shumë tifozët dhe stafin e klubit.

Sinjali – aty ku e vërteta flet para lajmit!

/GazetaSinjali/

Rizvanolli: Infrakosi merr nën kontroll stacionet hekurudhore në veri

Thu, 28 May 2026 13:50:07 +0200

Ministrja e Ekonomisë, Artane Rizvanolli, ka njoftuar se nga sot janë ndalur edhe strukturat paralele të Hekurudhave të Serbisë, ndërsa Infrakosi ka marrë nën kontroll pronën e vet, përkatësisht stacionet hekurudhore në komunat veriore të Kosovës.

Sipas saj, ky veprim vjen pas angazhimeve të ndërmarrjeve publike si Ibër Lepenci, Posta, Telekomi dhe Ujësjellësi i Mitrovicës, të cilat kanë shtrirë shërbimet ose kanë ndërtuar infrastrukturën e nevojshme për funksionim në veri të vendit.

Rizvanolli theksoi se ndërmarrjet publike që kanë aksionar Qeverinë e Republikës së Kosovës mbeten të përkushtuara për të marrë nën kontroll asetet e tyre në çdo pjesë të territorit të vendit.

“Qëllimi është ofrimi i shërbimeve publike cilësore dhe të sigurta për të gjithë qytetarët, pa dallim”, ka shkruar ajo.

Postimi i Plotë:

Nga sot, edhe strukturat paralele të Hekurudhave të Serbisë janë ndalur e Infrakosi ka nën kontroll pronën e vet, përkatësisht stacionet hekurudhore në komunat veriore të vendit.

Kjo pasi ndërmarrjet publike Ibër Lepenci, Posta, Telekomi dhe Ujësjellësi i Mitrovicës, kanë bërë të njëjtën dhe/ose ndërtuar infrastrukturën për të ofruar shërbime në komunat veriore.

Ndërmarrjet publike që e kanë aksionar Qeverinë e Republikës së Kosovës mbeten të përkushtuara për të marrë nën kontroll asetet veta në çdo cep të vendit dhe për të shtrirë shërbime publike cilësore e të sigurta për të gjithë qytetarët, pa dallim.

Sveçla: Xhandarmëria do të mbrojë kufijtë dhe sovranitetin e Kosovës

Thu, 28 May 2026 13:45:10 +0200

Ministri në detyrë i Punëve të Brendshme, Xhelal Sveçla, ka bërë të ditur se është themeluar grupi punues që do të analizojë dhe propozojë modalitetet për krijimin e Xhandarmërisë së Kosovës, raporton Ekonomia Online.

Sveçla tha se themelimi i kësaj strukture synon forcimin e kontrollit kufitar dhe reagimin ndaj kërcënimeve të sigurisë.

“Në kuadër të kompetencave të mia si Ministër i Punëve të Brendshme, unë kam themeluar grupin punues për analizimin dhe propozimin e modaliteteve për themelimin e xhandarmërisë, me qëllim të forcimit të kontrollit në vijën kufitare, mbrojtjen e integritetit territorial dhe sovranitetit, si dhe reagim të shpejtë ndaj kërcënimeve në përmasa të ndryshme”, tha ai.

Ai shtoi se grupi punues tashmë ka nisur punën për analizimin e aspekteve të ndryshme që lidhen me krijimin e këtij institucioni.

“Tashmë grupi punues është duke punuar në analizimin e aspekteve ligjore, institucionale, organizative, financiare dhe operacionale të themelimit të xhandarmërisë si agjenci ekzekutive në kuadër të Ministrisë së Punëve të Brendshme përmes ligjit të veçantë”, tha ai.

Sipas Sveçlës, funksionalizimi i Xhandarmërisë do t’i mundësojë Policisë së Kosovës të fokusohet më shumë në detyrat e saj të rregullta.

“Themelimi dhe funksionalizimi i xhandarmërisë do t’i mundësojë Policisë së Kosovës që të fokusohet në sigurinë dhe rendin publik, parandalimin dhe hetimin e krimit, sigurinë në komunikacion si dhe detyra të tjera sipas autorizimeve ligjore”, tha ai.

Ai foli edhe për numrin e pjesëtarëve që mund të ketë Xhandarmëria, duke thënë se kjo çështje do të përcaktohet nga grupi punues.

“Për sa i takon numrit unë siç e theksova grupi punues do të punoj intensivisht për përcaktimin e të gjitha modaliteteve dhe nevojave operacionale përfshi edhe numrin e nevojshëm të pjesëtarëve të xhandarmërisë në momentin kur takimi të përcaktoj patjetër që ne jemi gati”, tha ai.

Tre persona të lënduar nga një sulm me thikë në stacionin e trenit në Zvicër

Thu, 28 May 2026 13:45:07 +0200

Tre persona u lënduan me thikë në një stacion treni në Zvicrën veriore të enjten në mëngjes, tha policia lokale.

Sulmuesi i dyshuar, i identifikuar si një shtetas zviceran 31-vjeçar, është arrestuar, transmeton Telegrafi.

Incidenti ndodhi në stacionin e trenit Winterthur pak pas orës 8:30 të mëngjesit.

Tre personat e plagosur, të moshës 28, 43 dhe 52 vjeç, u dërguan në spital për trajtim.

Një deklaratë e policisë tha se oficerët po punonin për të identifikuar një motiv për sulmin.

Gazeta zvicerane Blick ndau pamje video që tregonin një burrë që vraponte nga stacioni i trenit dhe dukej se bërtiste "Allahu ekber". /Telegrafi/