3 javë më parë
Ish-fituesi i Topit të Artë, Rodri, ka folur për garën e sivjetme për çmimin prestigjioz individual, e cila pritet të jetë e hapur deri në fund.
Mesfushori i Barcelonës ka përmendur Lamine Yamal dhe Kylian Mbappen si dy prej futbollistëve që i sheh në mesin e favoritëve për ta fituar trofeun.
“Është fantastike që Lamine dhe Mbappe konsiderohen ndër më të mirët në botë. Për mua, ata janë padyshim ndër favoritët”, ka deklaruar Rodri.
Megjithatë, sipas tij, Topi i Artë duhet të vlerësojë paraqitjet e lojtarëve gjatë një sezoni të plotë dhe jo vetëm emrin apo reputacionin e tyre.
“Topi i Artë i jepet lojtarit më të mirë të sezonit. Këtë vit gjithçka është shumë e hapur”, u shpreh ai.
Rodri nuk e ka fshehur as dëshirën e tij personale për ta parë një futbollist nga Spanja duke e ngritur çmimin.
“Jam një person më modest dhe do të doja që një spanjoll ta fitonte, cilido nga gjashtë”, përfundoi mesfushori.
Sinjali – aty ku e vërteta flet para lajmit!
