5 muaj më parë
Futboll
Sinjali.com
25 Prill 2026 09:47
Xhiroja e 30-të në Superligën e Kosovës premton spektakël dhe emocione, me disa ndeshje që mund të ndikojnë drejtpërdrejt në renditjen përfundimtare të sezonit.
Fokusi kryesor i ditës së sotme është përballja mes Prishtinës dhe Gjilanit, e cila zhvillohet në mbrëmje në stadiumin “Fadil Vokrri”, nga ora 20:20.
Dy skuadrat vijnë me objektiva të qarta dhe një rivalitet të fortë, ndërsa çdo pikë në këtë fazë të kampionatit ka peshë të madhe. Prishtina synon të rrisë diferencën e pikëve me Gjilanin, ndërsa gjilanasit kërkojnë t’i rrëmbejnë pozitën e tretë.
Para këtij dueli, në program është edhe sfida mes Prishtina e Re dhe KF Drenica, e cila luhet nga ora 15:00.
Të dyja skuadrat janë në kërkim të pikëve për objektivin e mbijetesës, duke e bërë këtë takim mjaft të luftuar.
Ndërkohë, e diela sjell edhe disa përballje të tjera të rëndësishme: Ballkani pret Ferizajn, Drita luan në shtëpi ndaj Llapit, ndërsa Dukagjini përballet me Malishevën. Të gjitha ndeshjet zhvillohen në të njëjtën orë dhe pritet të sjellin ndryshime të rëndësishme në tabelën e klasifikimit.
Sinjali – aty ku e vërteta flet para lajmit!
