2 javë më parë
Përzgjedhësi i Austrisë, Ralf Rangnick, ka thënë se Kosova do të jetë një kundërshtar më i vështirë se Izraeli, të cilin Austria e mposhti 3-1 në ndeshjen e parë të Ligës së Kombeve.
Rangnick ka vlerësuar organizimin taktik të “Dardanëve”, duke i përshkruar si një ekip kompakt dhe të disiplinuar.
“Po përgatitemi për një kundërshtar që do të kërkojë shumë nga ne. Janë shumë të disiplinuar taktikisht, tepër kompakt. Ata lënë vetëm pak hapësira për kundërshtarin. Do të jetë më e vështirë se me Izraelin”, ka deklaruar Rangnick për mediat austriake.
Ai ka thënë se Austria synon ta fitojë edhe ndeshjen e dytë në shtëpi.
“Nëse arrijmë të bëjmë atë lojë si me Izraelin, do të jetë hap i madh drejt tre pikëve. Duam ta fitojmë ndeshjen e dytë në shtëpi gjithashtu”, ka shtuar ai.
Përballja mes Austrisë dhe Kosovës zhvillohet të dielën, nga ora 18:00.
Sinjali – aty ku e vërteta flet para lajmit!
