1 javë më parë
Presidenti i Ukrainës, Volodymyr Zelensky, bëri të ditur se forcat speciale ukrainase kanë ndërmarrë një sulm ndaj selisë së FSB-së, shërbimit rus të inteligjencës dhe sigurisë së brendshme, në zonën e rajonit të Khersonit që kontrollohet nga Moska.
Sipas presidentit ukrainas, gjatë këtij operacioni është shkatërruar edhe një sistem rus i mbrojtjes ajrore Pantsir-S1. Në një postim në rrjetin social X, Zelensky publikoi pamje nga sulmi dhe theksoi se aksioni i ka shkaktuar humbje të mëdha ushtrisë ruse.
“Falë këtij operacioni të vetëm, humbjet ruse arrijnë në rreth njëqind të vrarë dhe të plagosur”, ka deklaruar Zelensky.
