Publikohen formacionet zyrtare për gjysmëfinalet e Kupës së Kosovës

Ferizaj dhe Llapi, si dhe Dukagjini dhe Ballkani, kanë publikuar formacionet zyrtare para ndeshjeve të dyta gjysmëfinale të Kupës së Kosovës.

Në Ferizaj, vendasit presin llapjanët nga ora 15:00 në stadiumin e qytetit, duke hyrë në këtë përballje me epërsi minimale 2-1 nga ndeshja e parë në Podujevë dhe me synimin për ta konfirmuar kualifikimin në finalen e madhe. Në anën tjetër, skuadra e drejtuar nga Tahir Batatina futet në këtë duel me qasjen “gjithçka ose asgjë”, duke synuar rikthimin dhe sigurimin e finales.

Ndërkohë, në stadiumin “18 Qershori” në Klinë, Dukagjini është nikoqir i Ballkanit, gjithashtu nga ora 15:00. Klinasit kanë një avantazh të madh prej 3-0 nga ndeshja e parë në Therandë dhe synojnë ta ruajnë ose ta zgjerojnë këtë epërsi para tifozëve të tyre. Ballkani, në anën tjetër, do të tentojë përmbysjen duke sulmuar që nga minuta e parë.

Të katër skuadrat kanë vendosur të zbresin në fushë me formacionet më të mira të mundshme, përkundër disa mungesave.

Formacionet zyrtare:

Ferizaj: Jovanovski; Gligorov, Neziri, Sadiki, Turkaj, Avdulli; Sadriu, Fejzaj, Ramusa, Richards; Ade Oguns.

Llapi: Coric; Emini, Idrizi, Rama, Blakçori; Musolli, Aliu, Peci; H. Hyseni, Hasani, Sadriu.

Dukagjini: Isufi, Basri, Pllana, Iseni, Xhemajli, Morina, Mërlaku, Berisha, Bardhoku, Gashi, Maliqi.

Ballkani: Golubovic, Halili, Batarelo, Vokrri, Souza, Giovanni, Diene, Deliu, Kryeziu, Tolaj, Alidemaj.

Sinjali – aty ku e vërteta flet para lajmit!

/GazetaSinjali/