1 javë më parë
Presidenti i klubit rumun Cluj, Iuliu Muresan, nuk e ka përjashtuar mundësinë e largimit të futbollistit kosovar, Meriton Korenica.
Muresan deklaroi se disa menaxherë kanë pyetur për reprezentuesin e Kosovës.
“Për Meriton Korenicën ende nuk ka ardhur ndonjë ofertë konkrete, por 2-3 menaxherë kanë kontaktuar dhe kanë shprehur interesim. Megjithatë, situata nuk ka arritur ende në fazën e një oferte zyrtare, ka vetëm hapa fillestarë dhe e njëjta gjë vlen për të gjithë lojtarët”, u shpreh 72-vjeçari në një intervistë për “Digisport”.
Korenica është një nga lojtarët më të rëndësishëm të klubit rumun. Në rast të shitjes së tij, Cluji pritet të përfitonte financiarisht nga transferimi.
29-vjeçari këtë edicion me Clujin ka luajtur 48 ndeshje në të gjitha garat, ku ka shënuar 12 gola dhe ka bërë nëntë asistime.
Sulmuesi kosovar iu bashkua Clujit në vitin 2024.
Sinjali – aty ku e vërteta flet para lajmit!
