5 muaj më parë
Futboll
Sinjali.com
27 Prill 2026 07:05
Një ngjarje e rëndë e ka prishur fundin e ndeshjes mes Huesca dhe Real Zaragoza, ku portieri i Zaragozës, Esteban Andrada, u ndëshkua me karton të kuq në minutat shtesë, pasi goditi me grusht kapitenin e Huescas, Jorge Pulido.
Sipas raportimeve, në një përfundim të tensionuar të takimit, Andrada doli jashtë kontrollit dhe iu afrua Pulidos, duke e qëlluar fuqishëm në fytyrë. Ky i fundit mbeti me shenja të dukshme, ndërsa incidenti shkaktoi menjëherë përleshje mes lojtarëve të të dy skuadrave.
Ky moment po cilësohet si një nga episodet më të turpshme për Real Zaragozën në vitet e fundit dhe pritet që portieri argjentinas të përballet me masa të rënda disiplinore.
Pas përshkallëzimit të situatës, edhe portieri i Huescas, Dani Jiménez, u përjashtua, pasi dyshohet se reagoi duke goditur Andradan gjatë përplasjes. Ndërkohë, karton të kuq mori edhe Dani Tasende pas një ndërhyrjeje me shkelm ndaj një kundërshtari, vendim që u konfirmua edhe pas rishikimit me VAR.
Real Zaragoza e mbylli ndeshjen pa portier të mirëfilltë, pasi kishte konsumuar të gjitha zëvendësimet, duke bërë që Francho Serrano të vendosej në portë në minutat e fundit, për ta përfunduar një sfidë kaotike dhe të pazakontë.
Sinjali – aty ku e vërteta flet para lajmit!
