Policia kërkon ndihmën e qytetarëve për identifikimin e një personi të dyshuar për vjedhje

Sektori i Hetimeve të Kryeqytetit, me autorizim të prokurorisë kompetente, ka kërkuar ndihmën e qytetarëve për identifikimin e një personi të dyshuar për përfshirje në veprën penale “Vjedhje”.

Përmes një njoftimi, Policia e Kosovës ka publikuar fotografinë e personit dhe ka ftuar qytetarët që, nëse kanë informata që mund të ndihmojnë në identifikimin e tij, t’i ndajnë ato me autoritetet.

“Për çdo informatë që mund të çojë në identifikimin e tij, ju lusim të kontaktoni policinë në numrin e telefonit 192 ose përmes emailit: info@kosovopolice.com”, thuhet në njoftimin e policisë.

Policia u ka bërë thirrje qytetarëve që të bashkëpunojnë me institucionet përkatëse duke ofruar çdo informacion që mund të ndihmojë në këtë rast. /Telegrafi/