Plagoset një person në Fushë Kosovë, i dyshuari në kërkim

Policia e Kosovës ka bërë të ditur se një person është plagosur me armë zjarri në Fushë Kosovë.

Rasti ka ndodhur të martën, në ora 15:30.

“Viktima mashkull kosovar ka pranuar tretman mjekësor në QKUK, pasi që ishte plagosur me armë zjarri nga i dyshuari mashkull kosovar”, thuhet në raport.

Në vendin e ngjarjes janë gjetur dhe sekuestruar tri gëzhoja.

I dyshuari ndodhet në kërkim policor. Rasti është duke u hetuar. /Telegrafi/