4 orë më parë
Një kamion është përfshirë nga flakët në autostradën “Ibrahim Rugova”, pasi është vetaksidentuar.
Lexues të Telegrafit kanë dërguar pamje, gjersa shihet se kamioni është djegur tërësisht, ndërsa edhe zjarrfikësit janë në vendin e ngjarjes.
Lidhur me rastin, zëdhënësi i Policisë së Kosovës, Bajram Krasniqi i tha Telegrafit se rreth orës 12:10, policia është njoftuar për një aksident trafiku (vet-aksident), të ndodhur në autostradë (drejtimi Prizren-Prishtinë, zonë e Malishevës).
“Në aksident është përfshirë një kamion, i cili pas aksidentit është përfshirë nga zjarri”, tha ai.
Krasniqi njoftoi se nga aksidenti nuk ka persona të lënduar, ndërkaq, policia dhe zjarrfikësit janë në vendin e ngjarjes. /Telegrafi/
