Pedro Neto shkëlqen me dy gola, Chelsea triumfon në udhëtim te Evertoni

Chelsea ka shënuar fitore të rëndësishme si mysafir i Evertonit, duke e mposhtur me rezultat 2-0 në kuadër të javës së shtatë të Ligës Premier.

Protagonist i kësaj ndeshjeje ishte Pedro Neto, i cili realizoi të dy golat e skuadrës londineze, duke i siguruar tri pikë të rëndësishme ekipit të tij.

Pjesa e parë u karakterizua nga një lojë e barabartë, me raste nga të dyja skuadrat, por pa gola.

Megjithatë, Chelsea e nisi më mirë pjesën e dytë dhe kaloi në epërsi që në minutën e 46-të, kur Neto realizoi për 1-0.

Mysafirët vazhduan të krijonin raste, ndërsa në minutat e fundit të ndeshjes, Neto shënoi sërish, duke vulosur fitoren 2-0 të Chelseat.

Me këtë triumf, Chelsea ngjitet në vendin e katërt me 13 pikë, ndërsa Evertoni mbetet në pozitën e gjashtë me 10 pikë.

Në ndeshjen e radhës, Chelsea do ta presë Tottenhamin, kurse Evertoni do të përballet në udhëtim me Arsenalin.

Sinjali – aty ku e vërteta flet para lajmit!

/GazetaSinjali/