1 javë më parë
Pep Guardiola raportohet se ua ka bërë të ditur drejtuesve të Manchester City vendimin e tij për t’u larguar nga klubi pas përfundimit të sezonit aktual.
Sipas mediave të huaja, drejtuesit e kampionit anglez nuk kanë humbur kohë për të gjetur zëvendësuesin e trajnerit spanjoll dhe tashmë kanë arritur marrëveshje me italianin Enzo Maresca.
Eksperti i transferimeve Fabrizio Romano ka bërë të ditur se palët kanë gjetur marrëveshje verbale dhe se mbetet vetëm zyrtarizimi i emërimit të tij në stolin e Cityt.
Maresca, 46-vjeçar, konsiderohet si një nga bashkëpunëtorët më të afërt dhe nxënësit e Guardiolës, pasi për disa vite ishte pjesë e stafit teknik të Cityt.
Trajneri italian u largua nga klubi në vitin 2023 për të nisur aventurën si trajner i parë, duke drejtuar fillimisht Leicester City dhe më pas Chelsea, nga ku u shkarkua disa muaj më parë.
Ndërkohë, Manchester City vazhdon garën për titullin kampion në Angli dhe sonte do të kërkojë fitore ndaj Bournemouthit për të mbajtur gjallë shpresat deri në javën e fundit të kampionatit.
Sipas raportimeve, Maresca pritet ta marrë drejtimin e skuadrës duke nisur nga sezoni i ardhshëm.
Sinjali – aty ku e vërteta flet para lajmit!
