Pas 28 vitesh në Kroaci, legjenda e Prishtinës rikthehet për të jetuar në Kosovë – takohet me Kurtin

Pas 28 vitesh jetë dhe punë në Kroaci, ish-futbollisti i gjeneratës së artë të FC Prishtina, Xhevdet Muriqi, është rikthyer për të jetuar në Kosovë.

Muriqi ditën e djeshme është pritur në takim nga kryeministri Albin Kurti, i cili ka ndarë detaje nga takimi përmes një njoftimi në rrjetet sociale.

Kurti ka shkruar se me Muriqin kanë kujtuar ndeshjet dhe emocionet e viteve të 80-ta, kur stadiumi i Prishtinës mbushej me tifozë dhe sukseset e klubit përjetoheshin me krenari.

“Dje prita në zyrë Xhevdet Muriqin, futbollistin e brezit të artë të Prishtinës së viteve të 80-ta. Pas 28 vjet jetë e punë në Kroaci dhe 12 të tjera në Gjermani, Xhevdet Muriqi është rikthyer vjet për të jetuar në Kosovë”, ka shkruar Kurti.

Gjatë takimit është biseduar edhe për vëllain e tij, Fadil Muriqin, i cili jeton në Australi, si dhe për ish-bashkëlojtarët Fadil Vokrri e Kujtim Shala dhe trajnerin Qiro Bllazheviq.

Kurti dhe Muriqi kanë diskutuar edhe për futbollin e sotëm, për paraqitjet e fundit të Përfaqësueses së Kosovës dhe ndeshjet e radhës që e presin ekipin gjatë muajit nëntor.

Sinjali – aty ku e vërteta flet para lajmit!

/GazetaSinjali/