1 javë më parë
Kryetari i Shtimes, Qemajl Aliu, ka njoftuar nisjen e punimeve për ndërtimin e rrugës së re Rancë-Greiçec, projekt që do ta lidhë Shtimen me Suharekë.
Sipas Aliut, në ceremoninë e fillimit të punimeve morën pjesë edhe kryeministri i Kosovo, Albin Kurti, si dhe ministri i Infrastrukturës, Dimal Basha.
Ai bëri të ditur se projekti kap vlerën e 368 mijë eurove dhe përfshin ndërtimin e një rruge me gjatësi prej 3.1 kilometrash. Projekti po realizohet si bashkëfinancim ndërmjet Komunës së Shtimes dhe Ministrisë së Infrastrukturës.
Aliu falënderoi Qeverinë Kurti për, siç tha ai, mbështetjen e vazhdueshme për zhvillimin e komunës së Shtimes.
