Ndryshimet në sjellje mund të jenë sinjal i hershëm i tumorit në tru

Ndër sinjalet që kërkojnë vëmendje janë nervozizmi i pazakontë, vështirësia në përqendrim, harresa e shtuar, tërheqja sociale, sjelljet impulsive apo ndryshimet e papritura të karakterit.

Ekspertët theksojnë se familjarët dhe personat e afërt luajnë rol kyç në identifikimin e këtyre ndryshimeve, pasi shpesh janë të parët që vërejnë se diçka nuk është në rregull.

Përveç ndryshimeve në sjellje, disa simptoma neurologjike si krizat epileptike, problemet me shikimin, dobësia në trup, vështirësitë në të folur apo humbja e ekuilibrit kërkojnë kontroll të menjëhershëm mjekësor.

Mjekët rekomandojnë që në raste të tilla të bëhen ekzaminime të specializuara si skaneri apo rezonanca magnetike, në mënyrë që diagnoza të vendoset sa më herët.

Megjithatë, ata theksojnë se jo çdo ndryshim në sjellje lidhet me tumor në tru, por kur simptomat janë të vazhdueshme dhe përkeqësohen me kohën, konsultimi me mjekun është i domosdoshëm.

Sinjali – aty ku e vërteta flet para lajmit!

/GazetaSinjali/