1 javë më parë
Real Madrid pritet ta zyrtarizojë rikthimin e José Mourinho si trajner të ri të ekipit menjëherë pas përfundimit të sezonit në La Liga.
Sipas raportimeve të ESPN, klubi madrilen planifikon ta bëjë publik emërimin të dielën ose të hënën e ardhshme, pasi të zhvillohet ndeshja e fundit kampionale ndaj Athletic Bilbao në “Santiago Bernabéu”.
Burime pranë klubit bëjnë të ditur se Mourinho tashmë ka arritur marrëveshje për një kontratë dyvjeçare me Realin, ndonëse dokumentet finale ende nuk janë nënshkruar. Trajneri portugez raportohet se po përgatitet t’i japë fund aventurës së tij me SL Benfica.
Presidenti i klubit, Florentino Pérez, thuhet se është i vendosur për rikthimin e Mourinhos, duke e konsideruar atë si figurën ideale për ta rikthyer ekipin në majat e futbollit evropian pas një sezoni zhgënjyes.
Real Madridi e mbylli sezonin në vendin e dytë në kampionat pas FC Barcelona dhe u eliminua në çerekfinale të Ligës së Kampionëve, çka ka shtuar presionin për ndryshime të mëdha në klub.
Sinjali – aty ku e vërteta flet para lajmit!
