2 ditë më parë
Sulmuesi i krahut i Kosovës, Milot Rashica, mund të largohet nga Besiktasi gjatë afatit kalimtar veror, me interesim që vjen nga disa klube të kampionateve elitare evropiane.
Futbollisti kosovar ka ende një vit kontratë me skuadrën turke, megjithatë e ardhmja e tij në Stamboll mbetet e paqartë, sidomos pas sezonit të fundit ku nuk ishte gjithmonë zgjedhja e parë në formacion.
Pavarësisht kësaj, interesimi për 29-vjeçarin nga Vushtrria vazhdon të jetë i madh dhe nuk përjashtohet mundësia që ai të transferohet në një nga pesë ligat kryesore të Evropës.
Sipas mediumit turk “Takvim”, disa skuadra nga Italia dhe Franca janë duke monitoruar situatën e Rashicës, i cili vazhdon të jetë pjesë e Besiktasit.
Vendimi final për të ardhmen e tij pritet të merret pas vlerësimit që do të bëjë trajneri i ri i klubit turk.
Ndryshe, Rashica gjatë këtij sezoni zhvilloi 33 paraqitje me fanellën e Besiktasit, duke realizuar dy gola dhe gjashtë asistime.
Sinjali – aty ku e vërteta flet para lajmit!
