Milani e mposht Leccen dhe ngjitet në tabelë: Tri gola dhe tri pikë në Serie A

Milani ka marrë tri pikë të plota në përballjen e javës së pestë në Serie A, pasi në shtëpi triumfoi bindshëm ndaj Lecces me rezultat 3-0.

Vendasit e nisën ndeshjen me ritëm të mirë dhe nuk vonuan shumë për ta gjetur golin e avantazhit. Në minutën e 14-të, Christian Pulisic u tregua i saktë pas një topi të ardhur në zonë, duke e dërguar Milani në epërsi prej 1-0.

Pas golit, kuqezinjtë vazhduan ta kenë kontrollin e lojës, ndërsa Lecce nuk arriti të krijojë raste të mjaftueshme për ta ndryshuar rezultatin. 45 minutat e para përfunduan me epërsinë minimale të Milanit.

Në pjesën e dytë, skuadra vendase u tregua edhe më efikase. Në minutën e 62-të, Adrien Rabiot shfrytëzoi asistimin e Gonçalo Ramos dhe me një goditje të shpejtë e çoi topin në rrjetë për 2-0.

Milani nuk u ndal me kaq. Lecce provoi të reagonte, por mbrojtja vendase nuk i lejoi shumë mundësi. Në minutën e 73-të, Diego Moreira realizoi golin e tretë pas një aksioni individual, duke kaluar disa kundërshtarë në zonë dhe duke e vulosur fitoren e Milanit.

Pas kësaj fitoreje, Milani numëron 11 pikë dhe pozicionohet në vendin e pestë në tabelën e Serie A. Lecce, me gjashtë pikë të grumbulluara në pesë ndeshje, renditet i 12-ti.

Sinjali – aty ku e vërteta flet para lajmit!

/GazetaSinjali/