1 javë më parë
Kryeministri i Kosovës, , ka deklaruar se bashkëpunimi bilateral në fushën e mbrojtjes dhe sigurisë ndërmjet Kosovës dhe Shteteve të Bashkuara të Amerikës është më i fortë se asnjëherë më parë.
Përmes një postimi, Kurti bëri të ditur se ka zhvilluar një takim virtual me kongresistët amerikanë , , dhe , të cilët i falënderoi për mbështetjen ndaj dy rezolutave të rëndësishme për Kosovën.
Sipas tij, rezoluta nr. 1246 mbështet aspiratat e Kosovës për anëtarësim në NATO, ndërsa rezoluta nr. 1250 kërkon vazhdimin e kontributit të forcave amerikane në kuadër të misionit të KFOR-it në Kosovë.
Kurti ka ritheksuar edhe qëndrimin e Qeverisë së Kosovës që baza ushtarake amerikane Bondsteel të shndërrohet në bazë të përhershme të ushtrisë amerikane, duke e cilësuar këtë si interes strategjik për SHBA-në, NATO-n dhe sigurinë rajonale.
Ai njoftoi se gjatë takimit është diskutuar edhe për njohjet nga katër shtetet mosnjohëse të NATO-s, Marrëveshjen Kornizë për Bashkëpunim në Mbrojtje me Departamentin amerikan të Mbrojtjes, si dhe procesin e themelimit të Xhandarmërisë së Kosovës.
Në fund, Kurti tha se palët janë dakorduar për vazhdimin e bashkëpunimit të ngushtë në fushën e mbrojtjes dhe sigurisë, në përputhje me vlerat e përbashkëta të Kosovës dhe SHBA-së.
POSTIMI I PLOTË:
Bashkëpunimi bilateral në fushën e mbrojtjes dhe sigurisë ndërmjet Republikës së Kosovës dhe Shteteve të Bashkuara të Amerikës është më i fortë se kurrë.
Në një takim virtual dhe shumë miqësor me kongresistët Keith Self, Ritchie Torres, Mike Lawler dhe George Latimer i falënderova për dy rezoluta tejet të rëndësishme për vendin tonë: atë nr. 1246, e cila mbështet aspiratat e Republikës së Kosovës për t’u bërë pjesë e Aleancës Veri-Atlantike, dhe tjetrën nr. 1250, e cila bën thirrje që forcat amerikane të vazhdojnë të kontribuojnë në kuadër të KFOR-it.
Ritheksova qëndrimin e Qeverisë së Republikës së Kosovës që Bondsteel të bëhet bazë e përhershme e ushtrisë amerikane, në përmbushje të interesit strategjik të SHBA-së dhe NATO-s, por edhe për rritjen e sigurisë në rajon.
Mes temash kyçe biseduam për rëndësinë e njohjes nga katër shtetet jo-njohëse anëtare të NATO-s, për Marrëveshjen Kornizë për Bashkëpunim në Mbrojtje me Departamentin e Luftës të SHBA-së dhe procesin e themelimit të Xhandarmërisë së Kosovës.
U dakorduam të vazhdojmë bashkëpunimin e ngushtë në fushën e mbrojtjes dhe sigurisë, në përputhje me vlerat e përbashkëta të Republikës së Kosovës dhe ShBA-së.
