Man City ofron 120 milionë euro për Enzo Fernándezin, Chelsea kërkon 140 milionë

Manchester City ka bërë një ofertë prej 120 milionë eurosh për mesfushorin argjentinas të Chelsea-t, Enzo Fernández, por londinezët kërkojnë rreth 140 milionë euro për ta liruar 25-vjeçarin.

“Qytetarët” synojnë ta transferojnë kampionin e botës në “Etihad”, ndërsa bisedimet mes dy klubeve janë duke vazhduar. City pritet të duhet ta rrisë ofertën nëse dëshiron të bindë Chelsea-n për shitjen e Fernándezit.

Interesimi i klubit anglez lidhet edhe me pasiguritë në mesfushë, veçanërisht rreth të ardhmes së Rodrit, i cili raportohet se është objektiv i Barcelonës.

Në anën tjetër, trajneri i Chelsea-t, Enzo Maresca, e njeh mirë Fernándezin dhe dëshiron ta mbajë në skuadër, pavarësisht interesimit të fuqishëm nga Manchester City.

Chelsea kishte vendosur një afat për ofertën e Cityt, ndërsa Maresca ka deklaruar se klubi i Pep Guardiolës nuk pritet të bëjë transferime të reja të premten.

Nëse marrëveshja mbyllet për 140 milionë euro, Fernández do të bëhej një nga transferimet më të shtrenjta në historinë e futbollit, duke iu afruar rekordit britanik që u vendos pikërisht nga Chelsea në vitin 2023, kur e bleu argjentinasin nga Benfica.

Sinjali – aty ku e vërteta flet para lajmit!

/GazetaSinjali/