Lopez zbulon prapaskenat te Barcelona: Nuk do të jetoja me Lamine Yamal

Mesfushori i Barcelonës dhe i Kombëtares së Spanjës, Fermín López, ka rrëfyer disa detaje nga jeta e tij në futboll dhe jashtë fushës, duke folur edhe për marrëdhëniet me bashkëlojtarët.

Në një intervistë për “Mundo Deportivo”, Fermín iu përgjigj një serie pyetjesh të shkurtra, ku zbuloi edhe disa nga preferencat e tij personale.

I pyetur se me cilin bashkëlojtar nuk do të jetonte, ai përmendi Lamine Yamal, duke shtuar me shaka: “Kjo është për të më futur në telashe, apo jo? Do të thoja… Lamine”.

Fermín veçoi Eric Garcían si lojtarin më të veçantë në dhomat e zhveshjes, ndërsa për Lamine Yamal tha se ka “një histori të mirë” në Instagram dhe se është lojtari më i dhënë pas pamjes së tij.

Jashtë Barcelonës dhe Kombëtares së Spanjës, Fermín e cilësoi Lionel Messin si lojtarin më të mirë aktualisht. Ai përmendi gjithashtu Messin, Fabián Ruiz dhe Mikel Oyarzabal si tre yjet që do të dëshironte të shihte jashtë klubit katalanas.

Fermín tregoi se gjëja që i mungon më shumë nga jeta para famës është mundësia për të bërë gjëra normale. Ai tha gjithashtu se një nga situatat më të pazakonta pas famës ka qenë kur fansat e kanë ndjekur deri në shtëpi.

Mesfushori zbuloi edhe një talent të tij të fshehtë, duke thënë se është i mirë në pingpong.

Në fund, kur u pyet për një premtim për “Mundo Deportivo”, Fermín la të hapur mundësinë që një ditë t’i lyejë flokët të bardha.

Sinjali – aty ku e vërteta flet para lajmit!

/GazetaSinjali/