Lionel Messi bëhet pronar i një tjetër klubi në Spanjë, merr drejtimin e Eldenses

Lionel Messi ka përfunduar blerjen e klubit spanjoll Eldense, duke u bërë pronar i një tjetër skuadre në futbollin spanjoll.

Klubi nga Elda e ka konfirmuar zyrtarisht të enjten, më 1 tetor, se legjenda argjentinase ka marrë drejtimin e tij.

“Club Deportivo Eldense njofton zyrtarisht se Lionel Messi ka marrë drejtimin e klubit. Kjo fillon një kapitull të ri dhe emocionues në historinë më shumë se njëqindvjeçare të klubit”, thuhet në njoftimin e Eldenses.

Eldense garon në divizionin e dytë të futbollit spanjoll. Pas shtatë xhirove të zhvilluara këtë sezon, skuadra ka regjistruar një fitore, dy barazime dhe katër humbje, duke u renditur në vendin e 19-të.

Ky është klubi i dytë spanjoll që Messi merr nën pronësi gjatë vitit 2026. Para Eldenses, ai kishte blerë UE Cornellà, klub që garon në divizionin e katërt të futbollit spanjoll.

Eldense është themeluar në vitin 1921 dhe zhvillon ndeshjet në stadiumin “Nuevo Pepico Amat”, i cili ka kapacitet prej rreth 5,800 tifozësh.

Skuadra nga Elda u rikthye në divizionin e dytë në sezonin 2023/24, pas një pritjeje prej rreth 60 vitesh.

Sinjali – aty ku e vërteta flet para lajmit!

/GazetaSinjali/