5 muaj më parë
Robert Lewandowski ka konfirmuar largimin nga Barcelona në fund të sezonit.
Sulmuesi polak e ka bërë të ditur këtë vendim përmes profilit të tij zyrtar në Instagram, duke njoftuar përfundimin e një periudhe katërvjeçare te klubi katalonas.
“Pas katër vitesh plot sfida dhe punë të palodhur, është koha për të ecur përpara. Po largohem me ndjesinë se misioni është i përfunduar. 4 sezone, 3 kampionate. Nuk do ta harroj kurrë dashurinë që mora nga tifozët që në ditët e mia të para. Katalonja është vendi im në tokë. Faleminderit të gjithëve që takova gjatë këtyre katër viteve të bukura. Një falënderim i veçantë për Presidentin Laporta që më dha mundësinë të jetoj kapitullin më të pabesueshëm të karrierës sime. Barça është kthyer aty ku i takon. Visca el Barça. Visca Catalunya”, ka shkruar Lewandowski.
Sulmuesi polak, i cili iu bashkua Barcelonës në vitin 2022, largohet pas katër sezonesh me klubin, gjatë të cilave fitoi tre tituj kampioni në La Liga.
Sinjali – aty ku e vërteta flet para lajmit!
