2 ditë më parë
Kandidatët e Lëvizjes Vetëvendosje për deputetë, Mytaher Haskuka, Arbër Rexhaj, Artan Abrashi dhe Nora Arapi, të shoqëruar nga kryeministri Albin Kurti, kanë vizituar gjatë ditës së djeshme fermën e lopëve qumështore “Rudina”.
Kjo fermë, e cila mbarështon rreth 250 krerë gjedhë, radhitet si një ndër bizneset më të mëdha dhe më të rëndësishme të këtij sektori në Kosovë.
Gjatë kësaj vizite u vu në pah suksesi i reformave në bujqësi, ku përmes programit qeverisës të Lëvizjes Vetëvendosje janë mbështetur mbi 120 mijë fermerë në mbarë vendin.
Shuma e ndarë në formë grantesh dhe subvensionesh ka arritur në mbi 300 milionë euro, duke shënuar një infuzion historik për prodhimin vendor.
