3 javë më parë
Ministri në detyrë i Financave i Kosovës, Hekuran Murati, ka zhvilluar një takim me ministrin e Financave të Grenadës, Dennis Cornwall, gjatë qëndrimit të tij në New York.
Takimi u zhvillua në Konsullatën e Kosovës, ku Murati dhe Cornwall diskutuan për bashkëpunimin e deritanishëm dhe shkëmbimin e përvojave në fushën e diplomacisë.
Sipas Muratit, gjatë takimit u diskutua edhe mundësia e zgjerimit të bashkëpunimit në fushën e financave publike dhe digjitalizimit.
Palët trajtuan gjithashtu sfidat në zbatimin e reformave në të dyja vendet dhe u dakorduan që diskutimet të vazhdojnë në nivel teknik, me synim zgjerimin e bashkëpunimit në fushat me interes të përbashkët.
