2 javë më parë
Klubi basketbollistik KB Peja pritet të hyjë në një fazë të re organizimi dhe ndryshimesh të rëndësishme në strukturën drejtuese.
Burime të Sinjalit bëjnë me dije se klubi po afron njerëz të basketbollit dhe persona që kanë qenë të lidhur ngushtë me klubin ndër vite, me synimin për ta rikthyer stabilitetin dhe forcimin e ekipit.
Sipas informacioneve, KB Peja do ta konvokojë Kuvendin Zgjedhor, ku do të zgjidhet presidenti i ri, bordi i ri drejtues, si dhe menaxhmenti i ri i klubit.
Kuvendi pritet të mbahet më 24 maj 2026, duke filluar nga ora 18:00.
Megjithatë, aktualisht ende nuk është bërë publike zyrtarisht data dhe ora e mbajtjes së kuvendit, pasi një gjë e tillë thuhet se u është obliguar nga Federata e Basketbollit e Kosovës.
Sinjali – aty ku e vërteta flet para lajmit!
