5 ditë më parë
Sot zhvillohet java e fundit e Ligës së Parë të futbollit kosovar, ku gjithçka pritet të vendoset në 90 minuta vendimtare për inkuadrimin në Superligë.
Katër skuadra që janë në garë për t’u inkuadruar në elitën e futbollit kosovar do të përballen me njëra-tjetrën.
Në Gjakovë, Vëllaznimi do të jetë nikoqir i skuadrës së Vushtrrisë. Kuqezinjtë renditen në vendin e katërt me 70 pikë, dy më pak se vushtrriasit.
Derbi tjetër do të luhet në qytetin e Ferizajt, ku Dinamo do të përballet me Lirinë. Skuadra nga Ferizaj ka 71 pikë, ndërsa ajo nga Prizreni 68 pikë.
Në këtë situatë, Feronikeli ’74, që po ashtu ka 71 pikë, ka ndeshjen më të lehtë, ku do të luajë si mysafir i Ramiz Sadikut.
Kujtojmë se nga këto skuadra, dy prej tyre do të inkuadrohen direkt në Superligën e Kosovës, ndërsa skuadra e tretë do të luajë në barazh.
Sinjali – aty ku e vërteta flet para lajmit!
