1 javë më parë
Futboll
Sinjali.com
21 Maj 2026 16:44
Mesfushori i Milanit, Ardon Jashari, nuk e ka përjashtuar mundësinë që në të ardhmen të rikthehet te skuadra belge Club Brugge, ku më parë kishte shkëlqyer.
Jashari u transferua nga Brugge te Milani verën e kaluar për 36 milionë euro dhe aktualisht është nën kontratë me klubin italian deri në verën e vitit 2030.
Në një intervistë për “Het Laatste Nieuws”, ai ka lënë të hapur mundësinë për një rikthim të mundshëm në Belgjikë pas disa vitesh.
“Nuk e di kurrë se çfarë të pret e ardhmja, ose kush do të punojë ende te Club Brugge pas dhjetë vitesh, por absolutisht nuk do t’i thosha jo përfundimit të karrierës sime në Brugge”, u shpreh mesfushori i talentuar.
Jashari në edicionin e parë te Brugge u shpall lojtari më i mirë i kampionatit të Belgjikës dhe me këtë skuadër ka fituar edhe Kupën e Belgjikës.
Këtë edicion, 23-vjeçari ka zhvilluar 16 ndeshje në të gjitha garat me Milanin, ku ka regjistruar një asistim.
Së fundi, ai është ftuar nga selektori i Zvicrës, Murat Yakin, për Kupën e Botës që mbahet në SHBA, Meksikë dhe Kanada.
Sinjali – aty ku e vërteta flet para lajmit!
