Ishte me tumor, ndërron jetë tifozi i njohur i skuadrës së Premierligës

Klubi anglez Nottingham Forest është tronditur nga lajmi për ndarjen nga jeta të James Kerry, i cili ndërroi jetë të martën në mëngjes pas një beteje të guximshme me kancerin.

Përmes një reagimi, klubi ka shprehur dhimbjen e thellë për humbjen e tij, duke kujtuar edhe miqësinë e veçantë që James kishte krijuar me Morgan gjatë periudhës së sëmundjes.

“Gjatë gjithë periudhës së sëmundjes së tij, James dhe Morgan ndanë një miqësi të bukur, e cila kishte shumë rëndësi për të gjithë në klub. James do të kujtohet me shumë dashuri dhe do të na mungojë jashtëzakonisht shumë të gjithëve”, thuhet në reagimin e Nottingham Forest.

Klubi ka shprehur ngushëllimet për familjen e James, prindërit e tij Paul dhe Katie, si dhe vëllain e vogël, Freddie.

“Mendimet, dashuria dhe ngushëllimet tona më të sinqerta janë me prindërit e James, Paul dhe Katie, si dhe me vëllain e tij më të vogël, Freddie, teksa përpiqen të përballen me këtë humbje zemërthyese”, thuhet më tej në reagim.

“Pusho në paqe, James”, përfundoi klubi.

Sinjali – aty ku e vërteta flet para lajmit!

/GazetaSinjali/