Hoffenheimi ia rinovon kontratën edhe Leon Avdullahut

Përpos mbrojtësit Albian Hajdari, edhe mesfushori Leon Avdullahu ka arritur marrëveshje për kontratën e re me Hoffenheimin, duke u pajtuar me kushtet e klubit gjerman.

“Motori” i skuadrës ka nënshkruar kontratë të re deri në vitin 2031, me rritje page, ndërsa Hoffenheimi nuk i ka vendosur ndonjë klauzolë lirimi.

Sipas gazetarit Florian Plettenberg, gjithçka mes palëve është mbyllur, megjithatë Avdullahu, ndryshe nga Hajdari, po monitorohet nga klube të mëdha evropiane si Atletico Madridi dhe Atalanta.

“Kontrata e re e Leon Avdullahut, e kryer. Marrëveshje e kompletuar. Kontrata e vazhduar për dy vite, deri në 3031”.

“Rritje page. Gjithçka e nënshkruar dhe nuk ka klauzolë lirimi. Por, Atletico dhe Atalanta po e vëzhgojnë nga afër rritjen e tij”, shkroi ai.

Ndërkohë, për dallim nga dy yjet e Kosovës, Fisnik Asllani pritet të largohet në verë, me Barcelonën, Bayern Munichun dhe Borussia Dortmundin si destinacione të mundshme.

Sinjali – aty ku e vërteta flet para lajmit!

/GazetaSinjali/