2 muaj më parë
Komuna e Podujevës ka njoftuar fermerët se Ministria e Bujqësisë, Pylltarisë dhe Zhvillimit Rural, përmes Agjencisë për Zhvillimin e Bujqësisë, ka hapur thirrjen për aplikim për përfitimin e Pagesave Direkte 2026.
Sipas njoftimit, aplikimi përfshin mbështetje financiare për qumështin sipas kategorive të cilësisë, viçat për majmëri, zogjtë për majmëri (brojlerët), akuakulturën, si dhe për sasinë e dorëzuar të grurit.
Afati për dorëzimin e aplikimeve ka filluar më 3 gusht dhe do të zgjasë deri më 3 shtator 2026, në ora 16:00.
Komuna e Podujevës u bën thirrje të gjithë fermerëve që plotësojnë kriteret e përcaktuara të përfitojnë nga kjo mundësi dhe të aplikojnë brenda afatit të paraparë për të përfituar nga mbështetja për zhvillimin e veprimtarisë së tyre bujqësore.
